Top

Brig

LilyDweud Un Waith

Mae Gwasanaeth Dweud Un Waith yn golygu y gallwch chi ein hysbysu am farwolaeth, a byddwn ninau’n hysbysu adrannau’r llywodraeth a gwasanaethau’r cyngor lleol ar eich rhan

 

Pan fod rhywun yn marw, mae llawer o bethau sydd angen eu gwneud ar adeg pan nad ydych yn yr hwyliau iawn i’w gwneud. Un o'r rhain yw cysylltu ag adrannau’r llywodraeth a gwasanaethau’r cyngor lleol mae gofyn dweud wrthyn nhw.

 


Yn ddibynnol ar eich sefyllfa, gallwn ni hysbysu’r sefydliadau isod:


  • Asiantaeth Trwyddedu Gyrwyr a Cherbydau
  • Budd-dal Anabledd
  • Budd-dal Plant
  • Budd-dal Profedigaeth
  • Budd-dal Tai
  • Budd-dal Treth Cyngor
  • Casglu Taliadau ar gyfer Gwasanaethau Cyngor
  • Credyd Pensiwn
  • Credyd Treth Gwaith
  • Credyd Treth Plant
  • Cymorth Incwm
  • Gwasanaethau Etholiadol
  • Gwasanaethau Llyfrgell

  • Gwasanaethau oedolion
  • Hawlen Parcio Bathodyn Glas
  • Lwfans Byw gydag Anabledd
  • Lwfans Cyflogaeth a Chymorth
  • Lwfans Cynhalwyr
  • Lwfans Chwilio am Swydd
  • Lwfans Mynychu
  • Pensiwn y Wladwriaeth 
  • Library Services
  • Tai Cyngor
  • Treth cyngor
  • Trethiant personol
  • Y Gwasanaeth Hunaniaeth a Phasbort

Pan fyddwch chi wedi cofrestru’r farwolaeth, bydd y Swyddog Cofrestru’n rhoi mwy o wybodaeth i chi am y gwasanaeth a sut y gallwch ei ddefnyddio. Os yw o help, gallwch chi fel arfer wneud apwyntiad i gofrestru’r farwolaeth a defnyddio’r gwasanaeth dweud un waith yn ystod yr un ymweliad.

 

Y gwaith papur angenrheidiol

Er mwyn i ni sicrhau mai’r wybodaeth gywir sy’n cael ei rhoi i sefydliadau rydyn ni’n cysylltu â nhw ar eich rhan, bydd yn help os gallwch chi ddod â’r dogfennau wybodaeth isod oedd yn perthyn i’r unigolyn sydd wedi marw gyda chi:

  • Rhif yswiriant cenedlaethol a dyddiad geni
  • Manylion unrhyw fudd-daliadau neu wasanaethau roedden nhw’n eu derbyn
  • Eu tystysgrif marwolaeth
  • Eu trwydded yrru neu rif trwydded yrru
  • Eu pasbort neu rif eu pasbort
  • Bathodyn Car Glas (os yw’n berthnasol)
  • Tocyn bws mantais (os yw’n berthnasol)

Efallai fyddwn ni hefyd yn gofyn i chi am:

  • Eu perthynas agosaf
  • Unrhyw ŵr, gwraig neu bartner sifil sy’n dal yn fyw
  • Ysgutor eu hystâd

Nodwch: Rhaid i chi gael caniatâd y bobl a restrir uchod cyn darparu gwybodaeth amdanyn nhw wrthon ni.

 

Rhannu Hoffi