Angladdau Iechyd y Cyhoedd

Gwybodaeth am angladdau iechyd y cyhoedd, pobl sydd wedi marw heb deulu agos hysbys, ystadau nwyddau diberchennog ac ystadau a gyfeiriwyd at Gyfreithiwr y Trysorlys, neu at Ddugiaeth Caerhirfryn neu Gernyw.  

Caiff y wybodaeth hon am angladdau iechyd cyhoeddus ei diweddaru’n chwarterol.

Eithriadau i Wybodaeth wedi’i Diweddaru yn unol â Deddf Rhyddid Gwybodaeth 2000 

Prin yw’r angladdau iechyd y cyhoedd a geir ym Mro Morgannwg, ac oherwydd hyn, rydyn ni o’r farn bod cyhoeddi’r wybodaeth hon fesul achos yn rhesymol. Bydd rhyddhau gwybodaeth newydd cyn y diweddariad arfaethedig nesaf yn cael ei eithrio yn unol ag Adran 22 o’r Ddeddf gan ei bod yn fwriad gennym gyhoeddi’r wybodaeth sydd yn ein meddiant yn y dyfodol, fel y nodir uchod. 

Eithriadau i Wybodaeth Ychwanegol yn unol â Deddf Rhyddid Gwybodaeth 2000

Rydyn ni’n gweithredu’r eithriadau isod yn achos gwybodaeth bellach am angladdau iechyd y cyhoedd, pobl sydd wedi marw heb deulu agos, ystadau nwyddau diberchennog (Bona Vacantia) ac ystadau a gyfeiriwyd at Gyfreithiwr y Trysorlys, neu i Ddugiaeth Caerhirfryn neu Gernyw.

• Adran 21 – Gwybodaeth sy’n Rhesymol o Hygyrch i’r Ymgeisydd drwy Ddulliau amgen – rheswm y Cyngor dros weithredu’r eithriad hwn yw bod manylion pob marwolaeth o fewn Bro Morgannwg yn cael eu cofrestru. Gellir cofrestru marwolaethau mewn unrhyw Swyddfa Gofrestru, a cheir manylion y swyddfeydd yma ym Mro Morgannwg ar dudalen ein cofrestrfa. Bernir bod rhai o’r manylion sydd ym meddiant y Cyngor am ystadau a gyfeiriwyd at Gyfreithiwr y Trysorlys, neu a fydd yn cael eu cyfeirio ato, yn cael eu cadw ar ran Adran Cyfreithiwr y Trysorlys. Mae rhai manylion am ystadau pobl sydd wedi marw wedi cael eu trosglwyddo i Gyfreithiwr y Trysorlys, a gellir eu gweld ar wefan Cyfreithiwr y Trysorlys neu ar wefan Bona Vacantia. Mae’r gwefannau yma yn Saesneg.
  
  
• Adran 31 – Gorfodi’r Gyfraith – gallai rhyddhau manylion am asedau ystad cyn i Gyfreithiwr y Trysorlys gael cyfle i gynnal ymholiadau iddo arwain at weithredoedd troseddol posibl (er enghraifft, lladrad neu dwyll). Yn yr un modd, buasai pryderon yn codi yn achos cyhoeddi cyfeiriad diweddaraf yr ymadawedig, oherwydd gallai’r annedd fod yn wag, a gwaith papur ac eiddo personol yr unigolyn a fu farw ynddo o hyd.

 Mae’r elfen o risg yn parhau ar ôl i’r ystad gael ei ddiogelu, er enghraifft, yn achos dwyn hunaniaeth. O gloriannu’r materion uchod, barn y cyngor yw nad oes diddordeb cyhoeddus digonol i gyfiawnhau rhyddhau’r wybodaeth a ofynnwyd amdani. Y ffordd orau o warchod diddordeb y cyhoedd fuasai cynnal yr eithriad o dan Adran 31 y Ddeddf, gan y buasai datgelu’r wybodaeth yn debygol o beryglu’r gwaith o atal troseddau drwy hwyluso neu alluogi gweithredoedd troseddol.

Dylai ymgeiswyr fod yn ymwybodol bod y penderfyniad i eithrio darparu gwybodaeth ychwanegol o dan Adran 21 ac Adran 31 o Ddeddf Rhyddid Gwybodaeth 2000 wedi cael ei gadarnhau mewn Adolygiad Mewnol.

Nid oes a wnelo Cyngor Bro Morgannwg ddim â’r mater, ac nid yw wedi talu am wasanaethau bwrwyr cythreuliaid, gweithwyr seicig nac iachawyr crefyddol.