Darparwyr Gofal Plant Cyfredol

Hyfforddiant

Os yw’ch gwybodaeth ar ein cyfeiriadur Gwybodaeth Gofal Plant byddwch yn cael eich cynnwys ar ein rhestr bostio’n awtomatig i dderbyn gwybodaeth am unrhyw gyfleoedd hyfforddiant trwy eNewyddion y GGiD.

I gael gwybodaeth am gyrsiau yn y Fro yn y dyfodol, gallwch fynd i’n tudalennau hyfforddiant:

Cymwysterau

Mae gan Gyngor Gofal Cymru wybodaeth am gymwysterau sydd wedi’u hargymell i weithio ym maes gofal plant a’r sector blynyddoedd cynnar yng Nghymru. Mae hefyd wedi paratoi cyfres o ganllawiau arfer da ar y Blynyddoedd Cynnar a'r sector Gofal Plant yng Nghymru. Nod y canllawiau hyn yw rhoi cymorth i reolwyr ac uwch ymarferwyr.

Cymwysterau Blynyddoedd Cynnar a Gofal Plant

Iechyd a Llesiant yn eich Lleoliad

Fel darparwr gofal plant, mae gennych rôl hollbwysig i’w chwarae yn y gwaith o hyrwyddo iechyd a llesiant plant ifanc. Mae gennym amrywiaeth o wybodaeth a chanllawiau i ddarparwyr gofal plant ar ein tudalennau Iechyd a Llesiant. 

Cadw Plant yn Ddiogel yn Eich Lleoliad

Fel darparwr gofal plant mae’n hollbwysig eich bod yn gallu cynnig amgylchedd diogel. Mae gennym lawer o wybodaeth a chanllawiau ar gadw plant yn ddiogel yn eich lleoliad ar ein gwefannau:

Cadw Plant yn Ddiogel yn Eich Lleoliad

Gwiriadau GDG

Trefniant dros dro - Oherwydd y cyfyngiadau presennol gallwch gwblhau eich Gwiriad GDG yn rhithwir. E-bostiwch dbs@valeofglamorgan.gov.uk i wneud trefniadau.

Gall Cyngor Bro Morgannwg hefyd wneud gwiriadau annibynnol wrth benodi yn Swyddfeydd Dinesig Heol Holltwn y Barri. Os ydych yn dymuno manteisio ar y gwasanaeth hwn, dilynwch y manylion isod:

Prosesau GDG Bro Morgannwg

1. Cysylltwch ag adran Adnoddau Dynol Bro Morgannwg ar dbs@valeofglamorgan.gov.uk i ofyn am Wiriad DBS Rhestr Uwch a Gwaharddedig y Gweithlu Gofal Plant. Y cyfan sydd angen i chi ei ddarparu yw: Enw Cyntaf / Enw Olaf / Cyfeiriad E-bost Personol.

2. Crëir cais/ceisiadau ar-lein yn y porthol GDG a chewch Enw Defnyddiwr / Cyfrinair.
3. Cwblhewch y cais/ceisiadau ar-lein yn y porthol GDG

4. Byddwch yn cael cyfarwyddyd ar sut i gyflwyno'ch dogfen adnabod.

5. Anfonir copïau caled o dystysgrifau GDG i gyfeiriad cartref pob ymgeisydd.
6. Cysylltwch ag AGC ar 0300 7900 126 i gofrestru eich tystysgrif GDG. Sylwer bod yn rhaid gwneud hyn o fewn tri mis wedi ei chael.
7. Fe’ch cynghorir hefyd i danysgrifio i’r gwasanaeth diweddaru ar gost o £13 y person ar hyn o bryd (am ddim i wirfoddolwyr). Sicrhewch eich bod yn cofrestru gyda’r gwasanaeth diweddaru cyn gynted ag y cewch eich tystysgrif GDG. Cewch ragor o fanylion trwy’r ddolen hon: 

DBS Update Service