Mae ein gwefan yn defnyddio cwcis
Rydym yn defnyddio cwcis ar gyfer gweithrediad gwefannau ac i helpu i ddadansoddi ein traffig er mwyn i ni allu gwella ein gwasanaethau. Mae cwcis angenrheidiol yn helpu i wneud y wefan yn ddefnyddiadwy drwy alluogi swyddogaethau sylfaenol fel llywio tudalen. Ni all y wefan weithredu'n iawn heb y cwcis hyn. Dewiswch eich dewisiadau isod. Gwybodaeth am Gwcis
Galluogi pob cwci Caniatáu dewis
Dydd Llun, 09 Mis Gorffenaf 2018
Bro Morgannwg
Mae’r project yn chwilio am wirfoddolwyr i ymuno â grŵp ‘Cyfeillion Margaret Avenue’ i sicrhau’r gwaith o ofalu am yr ardal a chael arian ar gyfer syniadau i’w cyflawni yn y dyfodol.
Yn ymuno â’r gwirfoddolwyr oedd grŵp o bobl o Texas, America a oedd yn ymweld â Chymru i helpu gyda phrojectau cymunedol, a threfnwyd barbeciw ar eu cyfer yn y prynhawn.
Dywedodd y Swyddog Buddsoddi a Chynnwys Cymunedol, Mark Ellis: “Roedd yn wych gweld cynifer o’r gymuned lleol yn dod draw i helpu ac rydym yn gobeithio parhau i gynnal digwyddiadau gwirfoddoli yn ystod yr haf”.
Mae Tîm Buddsoddi Cymunedol Cyngor Bro Morgannwg yn gyfrifol am ddatblygu ystod o fentrau i gynnwys tenantiaid a’u helpu i ennill sgiliau newydd wrth greu cymunedau cydlynol.
Y bwriad yw datblygu’r safle yn broject cymunedol a arweinir gan wirfoddolwyr.
Mae’r tîm yn gweithio gyda Chredydau Amser Spice, i reoli’r cynllun yn y Fro.
Cyflwynwyd cyfanswm o 68 credyd amser sy’n galluogi pobl i fwynhau gweithgareddau a manteisio ar gyfleoedd yn eu cymuned.
Y cam nesaf yw peintio’r rheiliau gyda phaent lliw, gwaith a gaiff ei wneud yn ddiweddarach yn ystod y mis mewn sesiwn wirfoddoli arall.
I gael rhagor o wybodaeth wirfoddoli gyda phroject Margaret Avenue neu’r cynllun Credydau Amser, cysylltwch â Shani neu Mark, Swyddogion Buddsoddi a Chynnwys Cymunedol ar 07813 068324.