Mae ein gwefan yn defnyddio cwcis
Rydym yn defnyddio cwcis ar gyfer gweithrediad gwefannau ac i helpu i ddadansoddi ein traffig er mwyn i ni allu gwella ein gwasanaethau. Mae cwcis angenrheidiol yn helpu i wneud y wefan yn ddefnyddiadwy drwy alluogi swyddogaethau sylfaenol fel llywio tudalen. Ni all y wefan weithredu'n iawn heb y cwcis hyn. Dewiswch eich dewisiadau isod. Gwybodaeth am Gwcis
Galluogi pob cwci Caniatáu dewis
Dydd Mawrth, 13 Mis Mawrth 2018
Bro Morgannwg
Cafodd cynigion, sy’n cynnwys creu gwasanaeth ieuenctid symudol proffesiynol a fydd yn gwasanaethu bob rhan o’r sir, eu cymeradwyo ar gyfer ymgynghoriad gan Gyngor Bro Morgannwg fis Chwefror yn rhan o gynlluniau i ailstrwythuro gwasanaeth ieuenctid y sefydliad.
Mae’r model newydd arfaethedig yn annog grwpiau cymunedol i gefnogi’r cyngor drwy gymryd rhan weithredol mewn gwaith ieuenctid a rheoli safleoedd yn ei ardal i gefnogi’r gwasanaeth symudol drwy gyflwyno darpariaeth gyffredinol megis clybiau ieuenctid.
Mae hefyd yn mynd i’r afael â phryderon ynghylch ansawdd a hyfforddiant staff, anawsterau o ran recriwtio a chadw staff, yn ogystal â lleihau costau safleoedd.
Dywedodd y Cyng. Bob Penrose, Aelod Cabinet dros Ddysgu a Sgiliau: “Bwriad y cynlluniau yw galluogi’r cyngor i ddarparu gwasanaeth cynaliadwy ac effeithiol yn y dyfodol. “Os cytunir ar y rhain, bydd y Cyngor yn ceisio sicrhau mwy o gysylltiad â phobl ifanc drwy ddefnyddio gweithlu symudol a hyblyg, cynyddu oriau staff a sicrhau bod y staff hynny sy’n gweithio mwy o oriau ar gael i ysgolion a chymunedau er mwyn cefnogi mentrau lleol. “Nid yw’r cynnig yn ceisio lleihau cymorth i bobl ifanc, ond yn hytrach yn ceisio gwella’r ffordd y caiff ei roi.”
Dywedodd y Cyng. Bob Penrose, Aelod Cabinet dros Ddysgu a Sgiliau: “Bwriad y cynlluniau yw galluogi’r cyngor i ddarparu gwasanaeth cynaliadwy ac effeithiol yn y dyfodol.
“Os cytunir ar y rhain, bydd y Cyngor yn ceisio sicrhau mwy o gysylltiad â phobl ifanc drwy ddefnyddio gweithlu symudol a hyblyg, cynyddu oriau staff a sicrhau bod y staff hynny sy’n gweithio mwy o oriau ar gael i ysgolion a chymunedau er mwyn cefnogi mentrau lleol.
“Nid yw’r cynnig yn ceisio lleihau cymorth i bobl ifanc, ond yn hytrach yn ceisio gwella’r ffordd y caiff ei roi.”
Mae defnyddwyr gwasanaeth presennol yn ogystal â’r gymuned ehangach yn cael eu gwahodd i rannu eu barn ar y cynnig, sydd hefyd i’w drafod yng nghyfarfod nesaf y pwyllgor craffu Dysgu a Diwylliant.
Byddai’r Cyngor hefyd yn croesawu datganiadau o ddiddordeb gan unrhyw grŵp cymunedol a hoffai weithio mewn partneriaeth i ddatblygu grŵp ieuenctid.
Darllenwch yr adroddiad sy’n nodi’r cynlluniau