Top

Brig

Gwersyllfa (Annedd symudadwy)

Dan Adran 269 Deddf Iechyd y Cyhoedd 1936 (“y Ddeddf”), mae angen trwydded safle os yw person yn caniatâu i unrhyw dir y mae’n byw arno gael ei ddefnyddio at ddibenion gwersylla (ac eithrio carafanau) ar fwy na 42 diwrnod olynol neu fwy na 60 diwrnod mewn unrhyw 12 mis olynol.

 

SRS Wales logoAdran:

Gwasanaethau Rheoliadol a Rennir (SRS), Swyddfeydd Dinesig, Heol Holltwn, Y Barri, CF63 4RU 

 

Y Broses Ymgeisio

Cyflwynir trwydded safle ar ôl cael caniatâd cynllunio perthnasol ar gyfer y safle yn unig.
 
Er mwyn gwneud cais am drwydded safle, rhaid i ymgeiswyr gwblhau a chyflwyno cais gan gynnwys y canlynol:

  • Ffurflen gais berthnasol
  • Nifer y pebyll arfaethedig i gael eu gosod ar y safle ar unrhyw un adeg
  • Cyflenwad dŵr – prif gyflenwad neu breifat a phellter i’r safle
  • Gwaredu dŵr gwastraff
  • Gwaredu carthffosiaeth
  • Gwaredu sbwriel
  • Darpariaeth lanweithiol
  • Cynllun wrth raddfa

Nid oes dyddiad dod i ben ar gyfer trwydded. Fodd bynnag, os yw'r caniatâd cynllunio perthnasol am gyfnod cyfyngedig, rhaid i’r drwydded ddod i ben ar yr un adeg â’r caniatâd cynllunio.

 

Cydsyniad Mud

Oes. Mae hyn yn golygu y byddwch yn gallu gweithredu fel pe bai eich cais wedi cael ei dderbyn os nad ydych wedi clywed gan yr awdurdod lleol erbyn diwedd y cyfnod cwblhau targed.
 
Y cyfnod amser targed yw 28 diwrnod calendr.

 

Cefndir a Meini Prawf Cymhwyso

Mae eithriadau ar gyfer sefydliadau sydd â thystysgrifau eithrio gwersylla.

 

Amodau

Gall awdurdod lleol osod amodau ar drwydded y mae’n eu hystyried sy’n addas mewn perthynas â defnydd o’r safle, gan gynnwys y gofod i’w gadw rhwng pebyll a sicrhau amodau glanweithiol.

 

Ffioedd

Nid oes ffioedd i’w talu ar gyfer y broses hon ar hyn o bryd.

 

Gwybodaeth Ategol

 
Caniatâd Cynllunio

Os yw’r tir i gael ei ddefnyddio ar gyfer gwersylla am fwy na 28 diwrnod mewn blwyddyn galendr bydd angen caniatâd cynllunio (Gorchymyn Datblygu Cyffredinol Cynllunio Tref a Gwlad 1977, Atodlen 1, Dosbarth IV).

 

Cynllun wrth raddfa
I ategu’r cais, rhaid cyflwyno cynllun wrth raddfa’n dangos:

  • Terfynau’r safle
  • Lleoliadau arfaethedig y pebyll
  • Parcio
  • Trefniadau diffodd tân
  • Cyfleusterau glanweithiol
  • Trefniadau sbwriel
  • Cyflenwadau dŵr
  • Trefniadau mynediad/gadael

 

 

Troseddau a Dirwyon

Mae'n drosedd i berson dorri unrhyw un o ddarpariaethau’r Adran, neu beidio â chydymffurfio ag unrhyw amod sydd ynghlwm wrth drwydded wedi’i chymeradwyo iddo dan yr Adran.

 

Cwynion Cwsmer a Phrosesau Unioni Eraill

  •  Unioni os Na Chaniatawyd y Cais

    Cysylltwch â'r Tîm Trwyddedu yn y lle cyntaf:

     

    Ffôn:  01446 709105

    E-bost:  licensing@valeofglamorgan.gov.uk

     

    Gall unrhyw ymgeisydd nad yw wedi cael trwydded apelio i’r Llys Ynadon lleol. Rhaid cyflwyno’r apêl ymhen 6 mis o’r dyddiad y derbyniwyd hysbysiad ysgrifenedig o benderfyniad yr awdurdod.

  •  Gwneud yn Iawn i Ddeiliaid Trwyddedau

    Cysylltwch â'r Tîm Trwyddedu yn y lle cyntaf:

     

    Ffôn: 01446 709105

    E-bost:  licensing@valeofglamorgan.gov.uk

     

    Gall unrhyw ymgeisydd nad yw wedi cael trwydded apelio i’r Llys Ynadon lleol. Rhaid cyflwyno’r apêl ymhen 6 mis o’r dyddiad y derbyniwyd hysbysiad ysgrifenedig o benderfyniad yr awdurdod.

  •  Cwyn Cwsmer

    Mewn achosion o gwyno, dylech gysylltu â’r masnachwr yn y lle cyntaf, yn ddelfrydol ar ffurf llythyr gyda phrawf danfon. 
     
    Os nad yw hynny wedi gweithio ac rydych yn byw yn y DU, bydd Consumer Direct yn gallu rhoi cyngor i chi.

     

    Os oes gennych gŵyn o rywle arall yn Ewrop, cysylltwch â UK European Consumer Centre.

 

 

 

 

Rhannu Hoffi