Amrywiad Bychan

Ffurflenni Cais

Y Broses Ymgeisio 

Rhaid gwneud cais am amrywiad bychan i’r awdurdod trwyddedu’r ardal y mae’r safle ynddi.

I wneud cais bydd angen i chi gyflwyno:

• y ffi angenrheidiol
• ffurflen gais berthnasol
• cynllun y safle

Yn y broses hon, bydd yn rhaid i chi wneud cais ar y ffurflen benodol a bydd yn angenrheidiol i ymgeisydd arddangos hysbysiad yn y safle.

Ceir templed hysbysiad a chanllaw ar y gofynion o ran y fformat dan yr adran gwybodaeth ategol.

Mae gan Bartïon â Diddordeb 10 diwrnod gwaith o’r diwrnod y mae’r awdurdod yn derbyn y cais i gyflwyno sylwadau.

Bydd yn rhaid gwneud penderfyniad ynghylch y cais wedi i’r deg diwrnod ddod i ben ac o fewn 15 diwrnod gwaith o’r diwrnod gwaith cyntaf wedi i’r awdurdod dderbyn y cais. Nid oes hawl ar wrandawiad dan broses amrywiad bychan. Bydd yn rhaid i’r Awdurdod ystyried unrhyw sylwadau perthnasol wrth ddod i benderfyniad.

Cydsyniad Dealledig

Rhif Mae er budd y cyhoedd i’r awdurdod brosesu eich cais cyn ei ddyfarnu.

Y cyfnod amser targed yw 15 diwrnod gwaith.

Mae gan bartïon â diddordeb ddeg diwrnod gwaith o’r ‘diwrnod cyntaf’, sef y diwrnod wedi i’r awdurdod trwyddedu dderbyn y cais, i gyflwyno sylwadau.

Bydd yn rhaid felly i Gyngor Bro Morgannwg aros tan ddiwedd y cyfnod hwn cyn dod i benderfyniad am gais, ond bydd yn rhaid iddo wneud hynny o fewn 15 diwrnod gwaith fan bellaf, yn dechrau ar y diwrnod gwaith cyntaf wedi i ni dderbyn y cais, sef naill ai: 

• caniatáu’r amrywiad bychan
• wrthod y cais

Os nad ydym yn ymateb i gais o fewn 15 diwrnod gwaith, ystyrir bod y cais wedi ei wrthod a byddwn yn dychwelyd y ffi i'r ymgeisydd ar unwaith. Fodd bynnag, os yw’r ymgeisydd yn cytuno, gallwn ystyried cais nad yw eisoes wedi ei benderfynu fel cais newydd a defnyddio'r ffi sydd eisoes wedi ei thalu.

Cefndir a Meini Prawf Cymhwysedd 

Amcanion trwyddedu:

• atal troseddu ac anrhefn
• diogelwch cyhoeddus
• atal niwsans cyhoeddus
• amddiffyn plant rhag niwed

Mae pob amcan yr un mor bwysig. Mae’n bwysig nodi nad oes yna unrhyw amcanion trwyddedu eraill, fel bod y pedwar amcan yma yn ystyriaethau hollbwysig drwy’r adeg.

Ni chaniateir defnyddio gweithdrefn amrywiad bychan i wneud y canlynol:

• estyn cyfnod effaith y drwydded
• amrywio’r safle perthnasol yn sylweddol
• newid y goruchwylydd safle dynodedig
• ychwanegu gwerthu neu gyflenwi alcohol
• awdurdodi cyflenwi alcohol ar unrhyw adeg rhwng 11.00pm a 7.00am.
• awdurdodi cynnydd yn y cyfnod amser y gellir gwerthu neu gyflenwi alcohol ar ei hyd ar unrhyw ddiwrnod

Ffioedd

Dylid anfon ffi o £89.00 gyda'r ceisiadau. Ni ad-delir y ffi hon.

Gwybodaeth Ategol 

Mae’n rhaid i’r hysbysiad sydd ar ddangos yn y safle:

• fod yn faint A4 neu'n fwy;
• fod ar bapur gwyn ac wedi ei argraffu’n ddarllenadwy mewn inc du neu wedi ei deipio'n ddu;
• gynnwys pennawd ag ysgrif o faint 32 neu fwy;
• fod â geiriad yng ngweddill yr hysbysiad mewn maint ffont 16 neu fwy.

Ar gyfer ceisiadau am amrywiadau bychain i drwyddedau, mae angen i’r ymgeisydd ddangos hysbysiad ar y safle am gyfnod o ddim llai na deg diwrnod gwaith. Mae’r cyfnod hwn yn cychwyn ar y diwrnod wedi diwrnod cyflwyno’r cais i Gyngor Bro Morgannwg. Mae’n rhaid arddangos yr hysbysiad yn amlwg yn neu ar y safle y mae’r cais yn berthnasol iddo, lle gellir ei ddarllen yn gyfleus o du allan i’r safle.

Os yw’r safle ar dir sy'n fwy na hanner can metr sgwâr o arwyneb, bydd yn rhaid dangos hysbyseb arall ar yr un ffurf a thestun, yn dilyn yr un gofynion, bob hanner can metr ar hyd perimedr allanol y safle sydd wrth ymyl unrhyw briffordd.

Cwynion a Phrosesau Unioni Eraill

•  Unioni Ceisiadau a Fethodd

  Cysylltwch â'r Tîm Trwyddedu yn y lle cyntaf:

   

  Ffôn: 01446 709105

  E-bost: licensing@valeofglamorgan.gov.uk

   

  Gall unrhyw un sydd â chwyn oherwydd gwrthod trwydded apelio i Lys yr Ynadon a all roi cyfarwyddiadau ynglŷn â’r drwydded neu ei amodau fel yr ystyria’n briodol.

•  Deiliaid Trwyddedau'n Unioni

  Cysylltwch â'r Tîm Trwyddedu yn y lle cyntaf:

   

  Ffôn: 01446 709105

  E-bost: licensing@valeofglamorgan.gov.uk

   

  Gall unrhyw berson sy’n anfodlon ar unrhyw amodau sy’n berthnasol i drwydded apelio i Lys yr Ynadon a fydd yn cyflwyno cyfarwyddiadau ynghylch y drwydded neu ei hamodau fel yr ystyria'n briodol.

•  Cwyn Cwsmer

  Mewn achosion o gwyno, hoffem argymell mai chi ddylai gysylltu â’r masnachwr yn y lle cyntaf, yn ddelfrydol ar ffurf llythyr gyda phrawf danfoniad. 

   

  Os nad yw hynny wedi gweithio ac rydych yn byw yn y DU, bydd Consumer Direct yn gallu rhoi cyngor i chi.    

   

  Os oes gennych gŵyn o rywle arall yn Ewrop, cysylltwch â UK European Consumer Centre.

Rheoliadau a Chanllawiau

Rheoliadau