Teithiau Cerdded Lleol
Mae cerdded llwybrau cefn gwlad y Fro yn gallu bod yn brofiad
hynod o bleserus. Yn yr adran hon rydym yn cyflwyno rhai o’r
llwybrau mwyaf poblogaidd.
Teithiau Tywys Byr
Mae Valeways yn cynllunio ac yn rhedeg teithiau tywys byr ar
wahanol adegau yn ystod y flwyddyn. Peidiwch â phoeni os nad oes
gennych chi bâr o fŵts cerdded, dim ond sgidiau solet sydd angen.
Am ragor o wybodaeth cysylltwch â Valeways ar 01446 749000.
Llwybr Treftadaeth y Mileniwm Valeways
Ychydig iawn sy’n gwybod am fodolaeth y daith hudolus hanesyddol
hon sy’n pontio cyfnod o ryw 6,000 mlynedd. Mae’r daith yn cynnwys
rhai o’r golygfeydd gorau yn Ne Cymru.
Pellter
72 milltir / 100 km.
Mae yna 16 o lwybrau hawdd i’w dilyn y gellir eu cwblhau ymhen
ychydig oriau. Mae’n bosib dilyn unrhyw un o’r llwybrau ar eu hyd
neu fe allech chi eu cynnwys mewn amrywiaeth o
gylchdeithiau.
Llety a Thrafnidiaeth
Ac ychydig o waith paratoi ymlaen llaw mae’r Llwybr Treftadaeth
yn cynnig yr opsiwn i chi dreulio wythnos gyfan yn cerdded y
llwybrau. I gael manylion am lety trowch at y tudalennau llety ar y
wefan hon. I gael gwybodaeth am gludiant cyhoeddus trowch at:
www.traveline.org.uk
Llyfryn Llwybr Treftadaeth y Mileniwm-
£8.49
Mae’r llyfryn hwn sy’n cynnwys manylion am bob rhan o’r llwybr
gyda mapiau ar gael oddi wrth:
Valeways
Uned 7, Canolfan Fenter y Barri
Heol Skomer
Y Barri
Bro Morgannwg
CF62 9DA
Rhif ffôn: 01446 749000
E-bost: info@valeways.org.uk
Teithiau Cerdded eraill
Am ragor o wybodaeth ar lwybrau cerdded y Fro ewch i:
www.valeways.org.uk.
Pwy ydi Valeways?
Sefydliad amgylcheddol unigryw sy’n gweithio tuag at y nod o
ddatgloi cefn gwlad y Fro i’r cyhoedd ydi Valeways. Mae Vaelways
wedi creu rhwydwaith o gylchdeithiau pleserus sy’n cysylltu trefi a
phentrefi gyda’r wlad a llefydd eraill o ddiddordeb.
Mae Valeways yn gweithio mewn partneriaeth a Chyngor Bro
Morgannwg a chyda nifer o grwpiau sy’n gysylltiedig â chefn gwlad,
gan gynnwys Undeb Cenedlaethol y Ffermwyr a Chymdeithas y
Cerddwyr.
Cod y Cerddwyr
- Mae llwybrau cyhoeddus Bro Morgannwg yn croesi
ar draws ffermydd yn bennaf.
- Cofiwch roi ystyriaeth briodol i’r ffermwyr.
- Cadwch at y llwybr bob amser;
- Cadwch gŵn o dan reolaeth;
- Gadewch giatiau yn yr un modd ag y cawsoch hwy ;
- Ceisiwch osgoi gwneud difrod i wrychoedd a ffensys ayb;
- Ewch â’ch sbwriel adref gyda chi;
- Peidiwch ag amharu â bywyd gwyllt;
- Dangoswch barch tuag at fywyd yng nghefn gwlad.
- Problem? Rhowch wybod i Swyddog Hawliau Tramwy Cyngor Bro
Morgannwg ar 01446 704600 neu defnyddiwch y ffurflen adborth.
Cyswllt defnyddiol i wefan arall sy’n cynnwys manylion am
lwybrau lleol ydi http://www.glamorganwalks.com.