Trwsio Twll

 

Gwneud gwahaniaeth

Mae dod i ben â gwaith arwyneb y ffyrdd a phroblemau tyllau yn y ffordd yn her parhaol i bob cyngor lleol. Yma yn y Fro, rydyn ni wedi mynd i'r afael â'r mater gyda'n hymgyrch Trwsio Twll.

 

Mae criwiau Trwsio Twll yn trwsio tyllau dros y penwythnosau. Mae hwn yn ar ben y gwaith maen nhw'n ei wneud yn ystod yr wythnos.

 

Trwsio Twll yn talu ffordd

Dros hanner ffordd trwy flwyddyn eu hymgyrch o fis Medi 2012-13, mae criwiau Trwsio Twll wedi cyflawni'r isod:

• llenwi tua 2400 o dyllau ychwanegol yn y ffyrdd

• defnyddio 30 tunnell fetrig o darmac bob penwythnos

• atgyweirio oddeutu 200 twll ym mhob ward maen nhw wedi ymweld â nhw

Amserlen Trwsio Twll 2012-2013

Mae Cam 1 yn gyflawn

Yn ystod chwarter olaf 2012, bu tîm Trwsio Twll yn atgyweirio tyllau yn wardiau 

1. Dyfan
2. Illtyd
3. Cadoc
4. Court
5. Castleland
6. Buttrills
7. Baruc
8. Gibbonsdown
9. Llantwit Major
10. Llandough
11. Cornerswell
12. St. Augustine's
13. Stanwell
14. Plymouth

 

Cam 3 (Mai-Medi 2013)

Bydd tyllau yn yr ardaloedd isod yn cael eu trwsio yn ystod Cam 3:

 

 

 

 

 

 

 

 

 

 

 

 

 

 

 

 

 

 

---

Holiaduron Trwsio Twll

 

I'r sawl a ddywedodd wrthon ni am dwll yn y ffordd ond sydd heb lenwi'r holiadur papur, mae holiadur ar-lein Trwsio Twll ar gael yma.

 

Os hoffech chi adael adborth i ni ar gynllun Trwsio Twll p'un ai ydych chi wedi dweud wrthon ni am broblem ai peidio, llenwch ein holiadur adborth.

---

Mewn arolwg barn a gynhaliwyd gan Gyngor y Fro yn 2012, dywedodd nifer ohonoch eich bod wedi laru ar gyflwr heolydd y Fro.

 

Yn sgil hynny, fe lansion ni ymgyrch Trwsio Twll i lenwi ragor o dyllau yn y ffyrdd ar hyd a lled y sir.

 

Mae tîm adran y priffyrdd eisoes yn gweithio ar heolydd y Fro o ddydd Llun tan ddydd Gwener. O hyn ymlaen, byddwn ni'n treulio'r penwythnosau'n llenwi tyllau ym mhob ward yn y Fro.

 

Pryd fyddwn ni yn eich ward chi?

 

Bydd amserlen Trwsio Twll yn dangos pryd byddwn ni yn eich ardal chi. Bydd yr amserlen yn ymddangos yn y wasg leol, ar Twitter:  @VOGCouncil, ar Facebook: Vale of Glamorgan Life, ac ar y dudalen hon.

 

Er enghraifft, os ydych chi wedi gweld twll yn y ffordd yn ward Illtyd, mae'r amserlen yn dweud wrthoch chi pryd byddwn ni yn y ward. Dywedwch wrthon ni amdano yn ystod yr wythnos flaenorol, ac fe rown ni fe ar y rhestr. 

 

Cofiwch, os byddwch chi'n gweld marc gwyn o amgylch twll yn yr heol, does dim angen dweud wrthon ni amdano - rydyn ni eisoes yn paratoi i weithio arno.

 

Noder: dim ond rhwng y dydd Llun a'r dydd Gwener cyn i'n criwiau gyrraedd y ward y gellir dweud wrthon ni am dwll. Gweler yr amserlen am y dyddiadau perthnasol.

 

Felly'r tro nesa gwelwch chi dwll yn y ffordd, peidiwch â chwyno heb weithredu - rhowch wybod i ni ac fe ddown i'w atgyweirio cyn gynted ag y gallwn ni.

 

Diolch!

 

Cwestiynau cyffredin

Pam fod tyllau'n ymddangos yn y ffordd?

Mae twll yn y ffordd yn datblygu lle bo'r asffalt wedi erydu a phant wedi ffurfio. Wrth iddyn nhw heneiddio, mae arwynebeddau ffordd yn mynd yn fwy mandyllog ac yn amsugno rhagor o law. Mae rhew hefyd yn effeithio ar yr arwyneb wrth i ddŵr ddiferu i lawr, rhewi ac ehangu. Mae hyn yn gwanhau'r arwyneb yn raddol ac mae darnau o'r ffordd yn mynd yn rhydd. Bydd y ffaith fod cerbydau'n gyrru dros y twll hefyd yn achosi i'r pant dyfu dros gyfnod.

 

Sut mae ymgyrch Trwsio Twll yn wahanol i'r hyn sy'n digwydd wrth ddweud am dwll ar hyn o bryd?

Mae Birkett LGA Ltd, ein harolygwyr a chontractwyr priffyrdd presennol, yn dilyn amserlen wythnosol o ddydd Llun tan ddydd Gwener. Ond yn ystod cyfnod Trwsio Twll, bydd ein criwiau'n gweithio ar benwythnosau gyda'r bwriad o lenwi tyllau pob ward yn y Fro. Bydd tyllau argyfyngus mewn ardal risg uchel yn dal i gael eu trwsio o fewn 24 awr. 

 

Beth yw pwrpas yr ymgyrch hon?

Mae criwiau Trwsio Twll yn bwriadu trwsio pob twll a ganfuwyd ac arwynebeddau ffordd gwael bob penwythnos. Lansiwyd yr ymgyrch mewn ymateb i ganfyddiadau arolwg barn cyhoeddus annibynnol diweddar a gomisiynwyd gan y Cyngor.

 

Sut ydw i'n gwybod ym mha ward rwy'n byw?

Ffoniwch ein canolfan gyswllt ar 01446 700111 – bydd ein gweithwyr yn hapus i helpu.

 

Beth os bydd nifer o dyllau mewn un darn o'r heol?                      

Os ydy'n harolygydd priffyrdd yn dyfarnu bod nifer annerbyniol o dyllau mewn un heol - neu ran ohoni - mae'n bosibl y caiff hon ei glustnodi ar gyfer derbyn arwyneb newydd yn y dyfodol yn hytrach na llenwi pob twll.

 

Fe lenwais y ffurflen Trwsio Twll ond dyw'r twll ddim wedi cael ei lenwi eto. Beth sy'n digwydd?

Rydyn ni'n ymateb i bob adroddiad cyn gynted ag y gallwn ni. Mae'r goruchwyliwr ar y safle a'n harolygydd yn blaenoriaethu gwaith ar gyfer pob penwythnos. Os ydy'r criw dan y don dros benwythnos, byddwn yn ychwanegu'r tyllau sy'n weddill at ein hamserlen wythnosol arferol.

 

Rwy'n methu parcio am fod tîm priffyrdd y Cyngor yn llenwi tyllau yn yr heol. Pa mor hir fyddan nhw yno?

Os oes marc gwyn o amgylch y twll, mae ar ein rhestr o dyllau i'w llenwi'r penwythnos canlynol. Fell os gwelwch chi dwll a marc gwyn o'i amgylch, peidiwch â pharcio'n agos ato dros y penwythnos os gwelwch yn dda. Byddwch yn amyneddgar os ydyn ni yn eich ffordd - dylai fod y gweithwyr wedi gorffen o fewn awr.

 

A fydd cynllun 'Trwsio Twll' yn achosi unrhyw anghyfleustra?

Yn anochel, bydd sŵn peirianwaith wrth lenwi'r tyllau. Byddwn ni'n eich hysbysu ymlaen llaw lle byddwn ni'n gweithio, ac mae'n contractwr wedi buddsoddi mewn peiriannau tawelach i leihau'r sŵn cymaint â phosibl.

 

Fydd ein criwiau ddim yn cychwyn ar y gwaith swnllyd tan 9am ar fore Sadwrn a 9:30am ar fore Sul. Pan fo angen, byddwn yn gweithredu system rheoli traffig megis goleuadau neu arwyddion. Buasem yn gwerthfawrogi'ch amynedd - mae'r criw yn gwneud eu gorau i drwsio pob twll o fewn awr.

 

Ydych chi'n cydymffurfio â safonau o fewn y diwydiant?

Ydyn. Mae'n holl waith gosod arwyneb y ffordd yn cael ei wneud mewn cydymffurfiaeth â'r safonau a benodwyd gan ofynion ac amodau cytundebol priffyrdd. Rydyn ni'n glynu wrth god ymarfer llym ar gyfer rheoli a chynnal priffyrdd.