Cofrestru marwolaeth
Pan fydd rhywun yn marw mae yna lawer o
benderfyniadau a threfniadau i’w gwneud. Yn anffodus, mae'n
rhaid i chi wneud y penderfyniadau a’r trefniadau yma yn ystod
cyfnod o alar personol. Nod y tudalennau hyn yn cynnig
cymorth ac arweiniad i chi yn eich profedigaeth.
Taflen wybodaeth
Pryd i gofrestru marwolaeth
Dylid cofrestru marwolaeth cyn pen pum
diwrnod, os nad ydi’r Cofrestrydd yn dweud yn wahanol. Os ydi’r
farwolaeth wedi cael ei gyfeirio at y crwner, yna bydd Swyddfa’r
Crwner neu’r Cofrestrydd yn eich cynghori ynglŷn â beth i’w wneud
gan na ellir cofrestru marwolaeth heb ganiatâd y Crwner.
Pwy ddylai gofrestru’r farwolaeth?
Un o berthnasau’r ymadawedig ddylai
gofrestru’r farwolaeth. Os nad oes perthnasau i’w cael, mae’n bosib
i rywun arall gofrestru'r farwolaeth. Cysylltwch â'ch swyddfa
gofrestru i gael cyngor.
Ble i gofrestru marwolaeth
Yng Nghymru a Lloegr mae’n rhaid i chi
gofrestru marwolaeth yn Swyddfa Gofrestru'r ardal lle
digwyddodd. Os ydi hi’n fwy cyfleus, fe allwch chi fynd i
swyddfa arall i gwblhau’r gwaith papur perthnasol ar ffurf
‘datganiad’. Bydd y datganiad hwn yn cael ei anfon i’r cofrestrydd
yn yr ardal lle digwyddodd y farwolaeth i’w gofrestru. Bydd y
gwaith papur a’r tystysgrifau y gofynnwyd amdanynt yn cael eu
hanfon atoch yn y post. Os ydych yn dewis mynd ati i wneud pethau’r
ffordd yma, mae’n bosib y bydd rhaid i chi ohirio’r angladd am ryw
gymaint gan nad yw’n bosib cynnal angladd neu amlosgiad cyn i’r
cofrestrydd gyflwyno’r gwaith papur angenrheidiol.
Mae oriau gwaith y swyddfeydd
cofrestru yn amrywio o ardal i ardal. Mae’r broses
yn cymryd tua hanner awr o gyrraedd i adael.
Swyddfa gofrestru Bro Morgannwg
Swyddfeydd y cyngor
Heol Holton
Y Barri
Bro Morgannwg
CF63 4RU
01446 700111
RegistrationService@valeofglamorgan.gov.uk
Oriau (apwyntiad o flaen llaw
yn unig)
Dydd Llun i ddydd Iau
0830 – 1300 1400 – 1630
Dydd Gwener
0830 - 1300 1400 - 1600
Gwasanaeth argyfwng
01446 747 874
Parcio
Yn ystod yr wythnos, mae ychydig o lefydd
parcio ym maes parcio’r cyngor oddi ar Dock View Road neu’r
ganolfan hamdden. Mae yna ddigon o le am ddim ar y
penwythnos.
Ewch i brif dderbynfa swyddfeydd y cyngor wrth
gyrraedd.
Swyddfeydd Eraill:
Swyddfa Gofrestru, Penarth
West House
Heol Stanwell
CF64 2YG
Rhif Ffôn: 01446 700111
Oriau Swyddfa Llun-Gwen 0900 - 1300 drwy drefniant yn unig
1400 - 1600 drwy drefniant yn unig
Neuadd y Dref Llanilltud Fawr
Rhif Ffôn: 01446 700111
Oriau Swyddfa: Dydd Mawrth 0930 – 1230 drwy drefniant yn
unig