Gorfodi
Rheolaeth Gorfodi
Mae gan y Cyngor bwerau sy’n ei alluogi i ddelio â datblygiadau
heb awdurdod ac mae’n bosib y bydd yn mynd ati i weithredu’n
ffurfiol er mwyn unioni unrhyw achosion o dorri rheolaeth gynllunio
os ydyw o fudd i’r cyhoedd iddo wneud hynny.
Ym 2005/6 deliodd yr Adran ag 827 o achosion o dorri rheolau
cynllunio. Roedd 335 ohonynt yn gwynion a gyflwynwyd yn
uniongyrchol gan y cyhoedd. Roedd y gweddill un ai’n gwynion a
gyflwynwyd yn ddienw, yn gwynion gan gynghorwyr ac adrannau eraill
y cyngor, neu’n deillio o fonitro ffeiliau cynllunio’n fewnol.
Mae staff yr Uned Orfodi yn treulio llawer iawn o’u hamser yn
delio â chwynion. Rydym yn rhagweld y bydd y system a arweinir gan
gwynion neu’r system adweithiol, yn golygu y bydd yna gryn dipyn o
waith i’w wneud. Mae’n rhaid i’r gwaith o ddelio â chwynion oddi
wrth y cyhoedd ac aelodau’r Cyngor gael BLAENORIAETH UCHEL, gan fod
y gallu i ddelio â chwynion yn gyflym ac yn effeithiol yn hanfodol
os ydym am gynnal ansawdd y gwasanaeth.
Felly, mae’r Cyngor yn anelu at gyflawni’r canlynol:
- Nod yr Uned Orfodi ydi datrys 60% o’r holl gwynion y mae’n ei
dderbyn oddi wrth y cyhoedd ymhen 12 wythnos (mae datrys achos yn
cynnwys gweithredu’n ffurfiol, derbyn cais cynllunio, neu arfarnu
os torrwyd y rheolau ai peidio a pha un ai a ydyw’n achos sydd yn
werth mynd ar ei ôl).
- Nod yr adran ydi datrys 70% o ffeiliau di-gwyn o fewn 6 mis ar
ôl eu derbyn (mae datrys achos yn cynnwys gweithredu’n ffurfiol,
derbyn cais cynllunio, neu arfarnu os torrwyd y rheolau ai peidio a
pha un ai a ydyw’n achos sydd yn werth mynd ar ei ôl).
Ar hyn o bryd mae’r uned yn bodloni’r targedau uchod ac mae hi’n
gobeithio gwella’i pherfformiad unwaith eto eleni.
Mae’r adran hefyd yn anelu at gyflawni’r targedau canlynol mewn
perthynas â materion gorfodi:
- Y bydd yn anfon llythyr i gydnabod ei fod wedi derbyn cwyn
ysgrifenedig ymhen 7 niwrnod gwaith ar ôl derbyn y gŵyn honno; Trin
pob cwyn yn gyfrinachol (oni bai mewn achosion lle bydd angen
tystion ffurfiol);
- Y bydd yn ymchwilio i gwynion ysgrifenedig ymhen 14 niwrnod ar
ôl eu derbyn (gall hyn gynnwys ymweld â’r safle neu ysgrifennu at y
person sy’n gysylltiedig â’r achos);
- Y bydd yn asesu difrifoldeb yr achos ymhen 21
niwrnod;
- Y bydd yn cysylltu â’r achwynydd i os nad ydi’r achos yn cael
ei ddatrys ymhen 12 wythnos;
- Y bydd yn rhoi gwybod i’r achwynydd y bydd y camau gorfodi yn
cael eu gweithredu ymhen 28 niwrnod ar ôl cyflwyno rhybudd;
- Y bydd yn cyhoeddi’r polisïau ar weithdrefnau gorfodi.
Cysylltwch â’r adran orfodi’n uniongyrchol gyda’ch cwyn drwy
ddefnyddio’n
ffurflen ar-lein
Yma gallwch lawrlwytho a phrintio ffurflen
gais i’w llenwi a’i hanfon yn ôl i’r Adran Rheoli Datblygu i’w
hymchwilio. Ewch i’r dudalen Gyswllt i gael rhagor o wybodaeth.
Pwysig: mae’n werth i chi nodi mai dim ond cwynion swyddogol ar
ffurf llythyr neu ffurflen y bydd yr adran yn ymdrin â nhw - ni
fydd yr adran yn mynd ar ôl cwynion a dderbynnir yn ddienw. Byddwn
yn gofyn i bobl sy’n ffonio’r Adran lenwi ffurflen a’i hanfon yn ôl
atom. Yn gyffredinol, dim ond pan fydd gennym ddigon o amser wrth
gefn y byddwn ni’n delio â chwynion dienw. Mae’r adran hon wedi
derbyn nifer o gwynion maleisus ac annilys gan bersonau dienw yn
ddiweddar ac fe ddylech nodi mae’r flaenoriaeth leiaf yr ydym yn ei
roi i gwynion felly.