Etholiad Comisiynydd yr Heddlu a Throseddu, de Cymru

Canlyniadau'r bleidlais a'r newyddion diweddaraf

Pam cyflwyno'r cynllun?

Mae Llywodraeth Clymblaid y DU eisiau cynyddu atebolrwydd i'r cyhoedd o fewn gwasanaeth yr heddlu. Mae Deddf Diwygio'r Heddlu a Chyfrifoldeb Cymdeithasol 2011 yn amlinellu sut y gwneir hyn trwy gyflwyno PCC o fewn yr heddlu ym mhob rhanbarth.

Bydd y PCC yn cael ei ethol gan y cyhoedd a bydd yn atebol i'r cyhoedd. Gobaith y Llywodraeth yw y bydd hyn yn gwella'r ffordd mae gwasanaeth yr heddlu'n cael ei redeg.

Beth yw rôl y PCC?

Bydd PCC yn sicrhau bod anghenion plismona eu cymunedau'n cael eu cyflenwi mor effeithlon ag sy'n bosibl. Bwriad hyn yw dod â chymunedau a'r heddlu yn agosach at ei gilydd, magu hyder yn y system ac adfer ymddiried. Mae gwybodaeth bellach am rôl y PCC ar wefan y Swyddfa Gartref. Gwefan uniaith Saesneg ydy hon.

Beth fydd y berthynas rhwng y Prif Gwnstabl, y PCC a'r Ysgrifennydd Gwladol?

Peter Vaughan, Y Prif Gwnstabl, fydd yn dal i ofalu am redeg yr heddlu yn ne Cymru. Mae'n annibynnol ar y PCC ac yn wleidyddol niwtral. Mae ei ddyletswyddau'n cynnwys arwain yr heddlu, apwyntio swyddogion a staff, gan gynnwys Prif Gwnstabliaid Cynorthwyol a Dirprwyol. Yr Ysgrifennydd Gwladol fydd yn gyfrifol am osod unrhyw flaenoriaethau ar draws Cymru a Lloegr.

Dogfennau yswiriant ar gyfer y Swyddog Canlyniadau lleol: