Cwestiynau
cyffredin e-Ddinasyddion
Rydw i wedi anghofio fy enw
defnyddiwr/cyfrinair e-Ddinasyddion, sut alla i ddod o
hyd iddo?
Os byddwch chi'n ceisio cael mynediad i Adran e-Ddinasyddion fwy
na 3 gwaith gyda'r manylion anghywir (e.e. enw defnyddiwr a/neu
gyfrinair), bydd mynediad yn cael ei wrthod.
I ddatgloi'ch cyfrif, ffoniwch
un o'r timau isod:
Refeniw ar 01446
709564
Budd-daliadau ar
01446 709244
Trethi Annomestig ar
01446 709317
Byddwn ni'n gofyn i chi
gadarnhau pwy ydych chi trwy ateb cwestiynau diogelwch.
Yn ogystal, os gwnaethoch chi ddarparu cyfeiriad e-bost
wrth gofrestru, gallwch chi ofyn am gael eich atgoffa o'ch
cyfrinair yma.
Rydw i wedi anghofio fy rhif
unigryw
Os hoffech chi gael eich
atgoffa o'ch rhif unigryw, mewngofnodwch i e-Ddinasyddion, dewiswch
'My Profile' ac yna 'Interactive Services' a darparu'r manylion
perthnasol.
Alla i newid fy mhroffeil
e-Ddinasyddion?
Gallwch. Mewngofnodwch i Adran
e-Ddinasyddion, dewiswch 'My Profile'. Gallwch
addasu'ch manylion e-Ddinasyddion, e.e. cyfeiriad e-bost, enw
a chyfeiriad trwy ddewis 'Change Profile' a newid/diweddaru eich
cyfrinair trwy ddewis 'Change Password'.
Rydw i wedi cofrestru ar gyfer
e-Filio, felly pam ydw i'n dal i dderbyn biliau papur?
Dylech chi dderbyn e-bost pan
fyddwch chi'n cofrestru yn y lle cyntaf. Rhaid i chi glicio ar y
ddolen yn yr e-bost hwn i gwblhau proses gofrestru e-Filio,
neu byddwch chi'n dal i dderbyn biliau papur. Rhaid i bob
unigolyn sydd wedi eu rhestru ar gyfrif gofrestru ar gyfer e-Filio
er mwyn i holl filiau yn y dyfodol gael eu hanfon trwy e-Filio.
Nodwch fod angen cyfeiriad e-bost arnoch chi i ddefnyddio'r
gwasanaeth hwn.
Mae fy statws bilio electronig yn
dangos bod biliau'n cael eu hanfon trwy'r post er bod cyfeiriad
e-bost wedi cael ei gofrestru.
Os ydych chi wedi cofrestru ar gyfer
e-Filio ac mae enw mwy nag un person ar y cyfrif, RHAID i chi
glicio botwm 'Go' ar ôl diweddaru manylion personol
pob unigolyn. Os na fyddwch chi'n clicio botwm 'Go', fydd y
manylion ddim yn cael eu diweddaru a fydd y wybodaeth ddim yn
cael ei chydnabod.
Rydw i'n cael trafferth gweld
y tudalennau
Os ydych chi'n cael trafferth wrth
glicio ar ddolenni i dudalennau hunan-wasanaeth eraill ac rydych
chi'n defnyddio 'Internet Explorer', bydd angen i chi ddileu eich
hanes pori. Agorwch Explorer, dewiswch 'Tools', 'Internet Options'
a'r botwm 'General'. Cliciwch ar 'Delete Browsing History', wedyn
cliciwch ar y ddolen eto. Os ydy'r broblem yn parhau, ffoniwch ni
ar 01446 709310.
Pryd mae'r system ar gael?
Mae'r system wedi ei
chynlllunio i fod ar gael trwy'r dydd bob dydd, ac eithrio
18:00-00:00 nos Sul pan fydd gwaith cynnal a chadw hanfodol yn
digwydd.
Os cewch chi drafferth gweld
manylion eich cyfrif, cysylltwch â ni:
Tim Cefnogaeth e-Ddinasyddion
Dydd Llun-ddydd Iau 09:00-17:00
Dydd
Gwener 09:00-16:30
Ffoniwch 01446
709310 neu 01446 709289
neu e-bostiwch y tim
perthnasol