Ysgolion Eco
Mae Rhaglen Ysgolion Eco yn
annog disgyblion i fynd i’r afael â materion sy’n ymwneud â’r
amgylchedd a datblygu cynaliadwy.
Rhoddir pwyslais ar leihau sbwriel a gwastraff, er bod modd i
ysgolion ganolbwyntio ar gludiant, byw’n iach, arbed ynni a dŵr,
neu ddatblygu tiroedd ysgol.
Mae’r disgyblion yn cymryd rhan flaenllaw yn y gwaith o wneud
penderfyniadau mewn ymdrech i leihau effaith yr ysgol ar yr
amgylchedd. Fel hyn, mae Ysgolion Eco'n ymestyn addysg y tu hwnt
i’r ystafell ddosbarth ac yn datblygu ymdeimlad o ddinasyddiaeth
gyfrifol yn y cartref ac yn y gymuned.
Daeth Baner Werdd Ewropeaidd Ysgolion Eco, a ddyfernir i’r
ysgolion gyda’r rhaglenni mwyaf llwyddiannus, yn label eco
cydnabyddedig ac uchel ei barch ar gyfer Addysg dros Ddatblygiad
Cynaliadwy. Mae’r rhaglen ei hun yn weithgaredd tymor hir, a
ail-asesir ac a adnewyddir bob dwy flynedd.
Ar hyn o bryd mae yna ryw 8000 o Eco-Ysgolion cofrestredig mewn
23 o wledydd Ewrop gan gynnwys 3800 yn y D.U. a mwy na
760 yng Nghymru. Maent ar hyd a lled 22 Awdurdod
Lleol yng Nghymru, ac maent yn cynnwys ysgolion babanod, cynradd,
uwchradd ac anghenion arbennig.
Cyswllt:
Datblygwyd y cynllun gan y Sefydliad ar gyfer Addysg
Amgylcheddol (FEE), a chaiff ei reoli yng Nghymru gan ymgyrch
Cadwch Gymru'n Daclus. Cysylltwch â nhw yn y cyfeiriadau isod:
33-35 Heol y Gadeirlan
Caerdydd
CF11 9HB
Rhif ffôn: 029 2025 6767
NEU:
Tŷ’r Harbwr
Y Cei Lechi
Caernarfon
LL55 2PB
Rhif ffôn: 01286 674081
Mae’r holl ddeunyddiau ar gael yn y Gymraeg a’r Saesneg
ac am ddim i ysgolion sydd wedi cofrestru.