Cymuned Ddysgu Llanilltud Fawr

Bydd Cymuned Ddysgu Llanilltud Fawr newydd i blant 3 – 19 oed yn cynnwys ysgolion Eagleswell a Llanilltud Fawr wedi’u huno mewn ysgol gynradd newydd â 420 lle (Ysgol Y Ddraig). Byddwn hefyd yn ailadeiladu ac adnewyddu Ysgol Uwchradd Llanilltud Fawr.

Mae gwaith wedi dechrau ar y project i ddatblygu cymuned ddysgu yn Llanilltud Fawr. Lleolir Cymuned Ddysgu Llanilltud Fawr ar safle presennol Ysgol Gyfun Llanilltud Fawr a bydd yn cynnwys cyfleusterau chwaraeon gwell i’r gymuned eu defnyddio allan o oriau ysgol.

Mae capasiti’r ysgol uwchradd i gael ei leihau fel y bydd yn cyd-fynd yn fwy â niferoedd disgyblion a lleihau costau rhedeg yr ysgol tra'n cynnig cyfleusterau addysgu a dysgu gwell.

Disgwylir i Ysgol y Ddraig agor i ddisgyblion ym mis Hydref 2016. Caiff ysgol uwchradd Llanilltud Fawr ei chwblhau ym mis Medi 2017.

Bydd y project yn cynnwys:

• Ysgol gynradd Saesneg newydd â 2 Ddosbarth Mynediad a 420 lle i gynnwys meithrinfa a pharcio i staff ac ymwelwyr. 
• Mannau chwarae a dysgu allanol
• Estyniad newydd i’r ysgol uwchradd bresennol
• Adnewyddu prif adeilad Ysgol Gyfun Llanilltud Fawr
• Cae Pob Tywydd newydd gydag arwyneb chwarae 3G

   

• Cyfleusterau parcio a gollwng newydd a chylch troi i bob ysgol yn y campws 

   

 

Amserlen Ysgol y Ddraig 

Amserlen Ysgol Gyfun Llanilltud Fawr