Gwybodaeth am Ailgylchu a Gwastraff dros y Nadolig a’r Flwyddyn Newydd 2022/23

Codi’r cyfyngiad ar fagiau du dros dro 

O ddydd Mawrth 27 Rhagfyr 2022 – dydd Gwener 13 Ionawr 2023, ni fydd cyfyngiad o ran sawl bag du y gellir eu cyflwyno i’w casglu ar eich diwrnod casglu bag du arferol. Bydd bagiau du yn dal i gael eu casglu bob pythefnos ystod y cyfnod hwn.

Gellir gwirio eich wythnos casglu bagiau du isod:

Bydd y terfyn arferol o 2 fag du fesul cartref yn ailddechrau ddydd Llun 16 Ionawr 2023.

Ailgylchu

Gall pob bwyd sy'n weddill, gan gynnwys pilion llysiau a sgerbydau tyrcwn fynd i’ch bin gwastraff bwyd. Mae modd ailgylchu cardiau Nadolig a chardbord heb gliter.

Peidiwch â rhoi unrhyw bapur lapio yn eich bagiau neu flychau ailgylchu. Dylid rhoi pob papur lapio yn eich bag du.

Yn anffodus ni allwn gasglu goleuadau Nadolig, tâp selo, clymau, tinsel/addurniadau a pholystyren.

Ailgylchu Coed Nadolig

Byddwn yn casglu Coed Nadolig o fannau casglu penodedig o ddydd Llun 16 Ionawr tan ddydd Sadwrn 28 Ionawr 2023.

• Dim ond coed Nadolig go iawn y gallwn ni eu casglu i’w hailgylchu

• Gwaredwch unrhyw addurniadau ac unrhyw bridd

• Os yw’n dalach na 6 throedfedd, torrwch y goeden i’r hyd yma

• Mannau casglu coed Nadolig

  Mannau casglu coed Nadolig

  Dyddiad	Man Casglu	Amser
  Dydd Llun 16 Ionawr	Maes Parcio Bryn y Don, Dinas Powys Maes Parcio Caeau Chwarae King George V, Llandochau	8am – 2pm
  Dydd Mawrth 17 Ionawr	Maes Parcio Gorsaf Drenau, Llanilltud Fawr Maes Parcio yng nghefn Price Down Stores, Skomer Road, Y Barri	8am – 2pm
  Dydd Mercher 18 Ionawr	Cemetery Approach, Y Barri Maes Parcio Nell's Point, Ynys y Barri	8am – 2pm
  Dydd Iau 19 Ionawr	Maes Parcio Canolfan Gymunedol, Celtic Way, y Rhws Maes Parcio Cliff Tops, Penarth	8am – 2pm
  Dydd Gwener 20 Ionawr	Neuadd Gymunedol, Llanbedr-y-fro Maes y Pentref, Pendeulwyn Neuadd Gymunedol, Llanddunwyd Neuadd Gymunedol, Aberthin Neuadd y Pentref, Ystradowen, Neuadd y Pentref, Llandŵ	Cyn 8am
  Dydd Gwener 20 Ionawr	Maes Parcio Neuadd y Dref, Y Bont-faen	8am - 2pm
  Dydd Sadwrn 21 Ionawr	Maes Parcio Llynnoedd Cosmeston Maes Parcio, Traeth Ogwr Cemetery Approach, Y Barri Maes Parcio'r Ganolfan Gymunedol, Sain Tathan	8am – 2pm
  Dydd Llun 23 Ionawr	Maes Parcio Bryn y Don, Dinas Powys Maes Parcio'r Ganolfan Hamdden, Cogan	8am – 2pm
  Dydd Mawrth 24 Ionawr	Maes Parcio Vachell Court, Llanilltud Fawr Cemetery Approach, Y Barri	8am – 2pm
  Dydd Mercher 25 Ionawr	Maes Parcio’r Pafiliwn Chwaraeon, Y Wig Maes Parcio'r Tafarn Aubrey Arms, Tresimwn	8am – 2pm
  Dydd Iau 26 Ionawr	Maes Parcio'r Orsaf Drenau, Y Rhws Maes Parcio Llynnoedd Cosmeston, Penarth	8am – 2pm
  Dydd Gwener 27 Ionawr	Maes Parcio’r Ganolfan Gymunedol, Gwenfô Maes Parcio’r Cnap, Y Barri	8am – 2pm
  Dydd Sadwrn 28 Ionawr	Neuadd Tre-os Neuadd Gymunedol Tregolwyn Neuadd Gymunedol Craig Pen-llin Llan-Fair Neuadd Gymunedol  Llan-gan Ger y pwll, Llyswyrny	Cyn 8am
  Dydd Sadwrn 28 Ionawr	Maes Parcio Cliff Tops, Penarth Y Rhodfa, Glannau'r Barri	8am - 2pm

Os na allwch ollwng eich coeden Nadolig yn un o'n mannau casglu dynodedig, neu os hoffech ailgylchu eich coeden Nadolig cyn y dyddiad casglu dynodedig, gallwch ailgylchu eich coeden Nadolig yn un o'n Canolfannau Ailgylchu Gwastraff y Cartref. Ni fydd angen apwyntiad CAGC os byddwch OND yn gollwng eich coeden Nadolig.

Os na allwch ollwng eich coeden, trefnwch gasgliad gwastraff gardd. Os nad ydych am ailgylchu eich coeden eleni, rhowch y goeden allan i'w casglu gyda'ch bagiau du ar eich diwrnod casglu sbwriel arferol o'r wythnos sy'n dechrau ar 16 Ionawr 2023.