Ffurflenni i roi gwybod am feddiannu neu adael eiddo

Taflenni Blynyddol Cyfraddau Trethi Annomestig

Gwerth Ardrethol

Mae gwerth ardrethol eiddo annomestig yn y rhan fwyaf o achosion gan un o swyddogion annibynnol Asiantaeth y Swyddfa Brisio. Caiff holl eiddo annomestig ei ailbrisio bob pum mlynedd. Ers 1 Ebrill 2017, mae gwerth ardrethol eiddo’n cynrychioli ei bris rhent ar y farchnad agored fel ag yr oedd ar 1 Ebrill 2015. Ar gyfer eiddo cyfun sydd yn rhannol yn ddomestig ac yn rhannol yn annomestig mae’r gwerth ardrethol yn ymwneud â’r rhan annomestig yn unig. Dangosir gwerthoedd holl eiddo y mae ardrethi’n daladwy amdanynt i’ch awdurdod yn y rhestr ardrethi lleol, y mae'n bosibl gweld copi yn:

Newid Gwerth Ardrethol

Gall y gwerth ardrethol newid os yw’r swyddog ailbrisio’n credu bod amgylchiadau’r eiddo wedi newid. Gall y trethdalwr (a rhai eraill penodol sydd â diddordeb yn yr eiddo) hefyd, mewn rhai amgylchiadau, gynnig newid mewn gwerth. Os nad yw’r trethdalwr a’r Swyddog Prisio yn cytuno ar y gwerth ardrethol o fewn 3 mis i’r cynnig gael ei wneud, caiff y mater ei gyfeirio fel apêl i Dribiwnlys Prisio. Mae rhagor o wybodaeth am sut i gynnig newid mewn gwerth ardrethol ar gael oddi wrth swyddfeydd prisio.

• Llinell Gymorth Asiantaeth y Swyddfa Brisio: 03000 505505

Cynigion ac Apeliadau

Mae gwybodaeth am yr amgylchiadau sy’n gallu arwain at gynnig mewn gwerth ardrethol a sut y gellir gwneud cynnig o'r fath o'r swyddfa brisio leol a ddangosir uchod. Mae'n bosibl cael rhagor o wybodaeth am drefniadau apelio oddi wrth Gyngor Bro Morgannwg, neu oddi wrth Lywodraeth Cymru, Tîm Trethi Lleol, Parc Cathays, Caerdydd CF10 3NQ neu oddi wrth Asiantaeth y Swyddfa Brisio. www.voa.gov.uk

Lluosydd Ardrethi Annomestig Cenedlaethol

Dyma'r gyfradd yn y bunt a ddefnyddir i luosi gwerth ardrethol er mwyn rhoi’r bil ardrethi blynyddol ar gyfer eiddo.

Mae'r lluosydd a osodir yn flynyddol gan Lywodraeth Cymru yr un peth ar draws Cymru gyfan a heblaw mewn blwyddyn ailbrisio ni all godi gan fwy na chyfradd y cynnydd yn y mynegai prisiau manwerthu.

Ardreth Eiddo Gwag

Ardrethi Eiddo heb ei Feddiannu

Mae’n bosibl y bydd perchnogion eiddo annomestig dalu ardrethi eiddo gwag a godir ar 100% o'r dreth arferol. Mae’n rhaid talu pan fydd yr eiddo wedi bod yn wag am 3 mis neu ragor, yn achos ffatrïoedd a warysau, ar ôl i'r eiddo fod yn wag am 6 mis. Mae rhai mathau o eiddo wedi’u heithrio o ardrethi eiddo gwag.

Mae Llywodraeth Cymru wedi cynnig hyn er mwyn diwygio gollyngiad i eiddo gwag er mwyn darparu cymhelliad i ddefnyddio eiddo gwag eto a helpu i gynyddu'r cyflenwad o eiddo ar gael, a thrwy hynny leihau Rhenti Busnes a gwella cystadleuydd.

Oherwydd hyn, dyma’r rheolau ar gyfer Ardrethi Busnes (O 1 Ebrill 2008)

1. Os ystyrir yr eiddo i fod yn eiddo Masnachol bydd cyfnod wedi’i eithrio o 3 mis ac wedyn codi tâl o 100%
2. Os ystyrir yr eiddo gwag i fod yn eiddo Diwydiannol bydd cyfnod wedi’i eithrio o 6 mis ac wedyn codi tâl o 100%
3. Bydd y tâl yn cychwyn ar 1af Ebrill 2008 gyda’r cyfnod wedi’i eithrio’n dechrau ar 1 Ionawr 2008 neu 1 Hydref 2007 yn ôl eu trefn.

Yr eithriadau o’r tâl yw:

• •Y cyfnod wedi'i eithrio o 3 neu 6 mis
• •Adeiladau Rhestredig
• •Eiddo y mae eu meddiannu wedi'i wahardd gan y gyfraith
• •Eiddo gyda Gwerth Ardrethol o lai na £2,200 o 01/04/2008
• •Eiddo gyda Gwerth Ardrethol o lai na £15,000 o 01/04/2009
• •Eiddo gyda Gwerth Ardrethol o lai na £18,000 o  01/04/2010
• •Eiddo gyda Gwerth Ardrethol o lai na £2,600 o 01/04/2011

Ar hyn o bryd mater i’r Swyddog Prisio yw penderfynu a ddylid cynnwys yr eiddo yn y Rhestr Ardrethi a’r Gwerth a Disgrifiad Ardrethi.

Gollyngiad Elusennol ac Ychwanegol o Ardrethi

Gollyngiad Gorfodol o Drethi

Mae gan elusennau a chlybiau chwaraeon amatur cymunedol hawl i ollyngiad 80% o ardrethi ar unrhyw eiddo ardrethi annomestig yn yr achosion canlynol:

1. yn achos elusennau, mae’r eiddo yn cael ei ddefnyddio’n gyfan gwbl neu’n bennaf at bwrpasau elusennol, neu
2. yn achos clwb, mae’r clwb wedi'i gofrestru gyda Chyllid a Thollau Ei Mawrhydi.

At hyn mae gan awdurdodau bilio ddisgresiwn i ddileu'r cyfan neu ran o'r 20% o'r bil sy'n weddill ar eiddo o'r fath.

Gollyngiad Dewisol o Ardrethi

Gall Awdurdod Bilio roi Gollyngiad Dewisol o Ardrethi hyd at fwyafswm o 100% os yw adeilad yn cael ei feddiannu gan rai cyrff na sefydlwyd i wneud elw neu nad ydynt yn cael eu rhedeg i wneud elw.

Clybiau Chwaraeon Amatur Cymunedol (CASC)

I gael rhagor o wybodaeth ynglŷn â chlybiau dylech gysylltu â: Cyllid y Wlad, Adeiladau’r Llywodraeth, Heol Tŷ Glas,

Llanisien, Caerdydd, CF14 5FP, neu drwy wefan Cyllid y Wlad: www.hmrc.gov.uk

Gollyngiad i Fusnesau Bach o Ardrethi

Mae Llywodraeth Cymru wedi ymestyn dros dro yr SBRR i fis Mawrth 2019 ar gyfer eiddo busnes gyda gwerth ardrethol o hyd at £6,000 a fydd yn derbyn gollyngiad o 100% a bydd y rhai â gwerth ardrethol rhwng £6,00a a £12,000 yn derbyn gollyngiad o sail bob yn dipyn.

Pan fydd busnesau’n derbyn cyfradd uwch o ollyngiad o dan y cynllun presennol nag o dan y cynllun wedi’i wella byddant yn derbyn y gyfradd o ollyngiad sy'n fwyaf o fudd iddynt.