Timau'r Cyngor yn cyfarfod ar gyfer gweithdy Cludiant Ysgol

Yn ddiweddar, daeth y Tîm Trawsnewid ag adrannau o bob rhan o'r Cyngor ynghyd ar gyfer Gweithdy Cludiant Ysgol.

Wedi'i gynllunio i archwilio cyfleoedd ar gyfer cydweithio, roedd y digwyddiad yn cynnwys staff o'r Gwasanaethau Cymdeithasol, Dysgu a Sgiliau, Priffyrdd a mwy.

Y nod oedd meithrin cysylltiadau cryfach rhwng timau sy'n gweithredu yn yr un ardal ac annog mwy o weithio mewn partneriaeth.

Mae symudiad o'r fath wrth wraidd y Cynllun Corfforaethol a'r Rhaglen Aillunio newydd wrth i'r Cyngor edrych am y ffordd fwyaf effeithlon o ddarparu gwasanaethau i wasanaethu trigolion Bro Morgannwg orau.

Dywedodd Emily Woodley, yr Arweinydd Trawsnewid: “Roedd yn wych eistedd i lawr gyda chydweithwyr o ystod o feysydd y Cyngor a thrafod pwnc sy'n effeithio ar eu holl waith mewn un ffordd neu'i gilydd.

“Mae rhannu syniadau, deall safbwyntiau gwahanol a gweithio ar unsain i gyflawni nodau cyffredin yn gwbl ganolog i'r dull trawsnewid.

“Cafwyd cymaint o gyfraniadau diddorol a wnaed, pwyntiau y gallwn nawr fyfyrio arnynt wrth i ni edrych i wella'r ffordd y caiff trafnidiaeth ysgol ei ddarparu.

“Y nod yw gweithredu yn y ffordd orau bosibl, un sydd o fudd i'r Cyngor yn ei gyfanrwydd, y bobl sy'n defnyddio'r gwasanaeth hwn a hefyd y gwahanol adrannau sy'n ymwneud â'i ddarparu.

“Mae ystyried pwnc ar y cyd a chynllunio ar y cyd yn ffordd wych o ehangu gwybodaeth a gweld gwelliannau y gellir eu gwneud.

“Roedd hwn yn ymarfer defnyddiol iawn a fydd yn arwain at newid cadarnhaol sylweddol. Mae hefyd yn gosod y sylfeini ar gyfer digwyddiadau tebyg sy'n canolbwyntio ar bynciau eraill i'w cynnal yn y dyfodol.”

Mae darparu cludiant ysgol yn dod ar gost sylweddol i'r Cyngor ac mae'n faes sydd ar hyn o bryd yn £1 miliwn dros y gyllideb.

Mae'r galw amdano hefyd yn debygol o gynyddu yn y blynyddoedd nesaf wrth i nifer y plant ag Anghenion Dysgu Ychwanegol (ADY) dyfu.

Trafodwyd y posibilrwydd y bydd disgyblion ysgolion cynradd ac uwchradd yn teithio ar hyd yr un llwybrau.

Roedd defnyddio cerbydau'r Cyngor i ddarparu cludiant i'r ysgol yn bwynt sgwrsio arall, tra codwyd y cwestiwn a ellid teilwra trefniadau teithio i blant ag ADY yn well i annog annibyniaeth hefyd.

Mae'r syniadau mwyaf addawol o'r diwrnod bellach yn cael eu datblygu a byddant yn cael eu cyflwyno i'r Tîm Arweinyddiaeth Strategol yn ddiweddarach y mis hwn.