Hyb Costau Byw

Diben yr hyb hwn yw cynnig camau ymarferol gallwch unrhyw un eu cymryd er mwyn gwella eu gwydnwch ariannol. P'un a ydych yn cael trafferth nawr neu’ch bod dim ond eisiau rheoli’ch arian yn well, gallwch ddilyn y camau hyn i wella'ch sefyllfa ariannol gan ddechrau heddiw.

Budgeting

Cyllidebu

Income maximisation

Hawlio’r hyn sy’n ddyledus i chi

Reducing your spending

Lleihau’r swm rydych yn ei wario

Cefnogaeth Iechyd a Lles

Advicelink Cymru

Mae teuluoedd ledled Cymru yn teimlo'r straen ar gyllidebau eu cartrefi oherwydd costau byw cynyddol, gan wneud cymorth ychwanegol yn bwysicach nag erioed.

Nid yw llawer o bobl yn ymwybodol y gallent fod yn gymwys i gael budd-daliadau a allai gynnig y cymorth sydd ei angen arnynt.

Os nad ydych yn siŵr pa fudd-daliadau y gallwch eu hawlio, cysylltwch â llinell gymorth am ddim Advicelink Cymru:

0808 250 5700

Advicelink Cymru

Adnoddau Lles Ariannol ar iDev

Mae’r argyfwng costau byw yn effeithio ar bob un ohonom, a chyda'r cynnydd mewn biliau ynni a chostau byw hanfodol eraill eleni, mae'r rhan fwyaf o bobl yn mynd i deimlo'r effaith ar eu cyllid. Gallwch ddod o hyd i adnoddau all eich helpu yn ystod y cyfnod anodd hwn ar iDev. Fel rhan o'r pecyn hwn gallwch hefyd wylio fersiwn wedi'i recordio o'r gweminar Costau Byw a gynhelir drwy'r Caffi Dysgu gyda Better with Money. Mae’r sesiwn yn ymdrin â’r canlynol: Cynllunio eich arian, awgrymiadau i leihau costau, gwneud y mwyaf o incwm, rheoli dyled, y cymorth sydd ar gael a llawer mwy.

Adnoddau Lles Ariannol ar iDev

Ble i gael help yn y Fro

Wrth i gost ynni, tanwydd a biliau cartref godi, efallai y byddwch yn ei chael yn anoddach talu'ch biliau. Mae nifer o ffyrdd y gallwch gael help ym Mro Morgannwg:

Talu biliau

Cyngor ar Bopeth Caerdydd a’r Fro

Mae Cyngor ar Bopeth yn elusen annibynnol sy'n cynnig gwybodaeth a chyngor cyfrinachol a diduedd am ddim i drigolion Dinas a Sir Caerdydd a Bro Morgannwg. Maent yn cynnig cymorth gyda dyled, budd-daliadau, tai a mwy.

Cyngor ar Bopeth Caerdydd a’r Fro

Rhoi bwyd ar y bwrdd

Pod Bwyd Penarth

Gall unrhyw un fynd i’r Pod Bwyd ym Mhenarth i gael nwyddau tun a darfodus, nwyddau ymolchi a chynhyrchion hylendid ar sail talu’r hyn y gallwch ei fforddio.

Mae'r Pod Bwyd yn gweithredu o gynhwysydd llongau wedi'i addasu yn ystâd St Luke. Mae ar agor ar ddydd Llun ac ar ddydd Gwener rhwng 2pm a 4pm ac ar ddydd Mercher rhwng 3.30pm a 5.30pm.

Gwybodaeth am Bod Bwyd Penarth

Banciau bwyd

Mae hefyd nifer o fanciau bwyd ym Mro Morgannwg. Os ydych yn cael trafferth talu am fwyd, dysgwch sut i gael help gan fanc bwyd.

Urddas Mislif

Mae Cyngor Bro Morgannwg wedi bod yn cefnogi teuluoedd i sicrhau urddas mislif i fenywod a merched o gartrefi incwm isel.

Mae cymorth parhaus wedi'i roi ac mae cynhyrchion wedi bod ar gael drwy ysgolion, y tîm 15plus, y gwasanaeth lles ieuenctid a phartneriaid cymdeithasau tai amrywiol.

Mae partneriaethau gyda mudiadau’r trydydd sector, gan gynnwys banciau bwyd, canolfannau cymunedol, canolfannau teulu ac ati, wedi cael eu rhoi ar waith i sicrhau mynediad i gynhyrchion mislif, yn rhad ac am ddim ac yn hygyrch yn y ffordd fwyaf ymarferol ac urddasol bosibl.