Bro Oed-Gyfeillgar i gynnal y Caffi Cysylltiad cyntaf ym mis Mehefin!

Mae'r digwyddiad yn dilyn lansiad eu Strategaeth Weithredu a'u Cynllun Gweithredu

Ers i'r ymrwymiad ledled Bro Morgannwg i wneud y Fro yn lle gwell i dyfu'n hŷn ynddo gael ei gydnabod gan Sefydliad Iechyd y Byd a'i ddyfarnu Statws Cyfeillgar i Oedran, mae'r Bwrdd Gwasanaethau Cyhoeddus wedi bod yn gweithio gyda phartneriaid ac aelodau'r gymuned i ddatblygu cysylltiadau cryfach â'i gilydd.

Gwahoddir holl gynrychiolwyr grwpiau cymunedol a darparwyr gwasanaethau sy'n cefnogi pobl hŷn ym Mro Morgannwg i ymuno â Rhwydwaith y Fro sy'n Gyfeillgar i Oedran a Chomisiynydd Pobl Hŷn Cymru yng Nghaffi Cysylltiad ddydd Mawrth 3ydd o Fehefin, 10:00am - 11:30am, ym Mhafiliwn Pier Penarth.

Bydd y bobl sy'n bresennol yn cael cyfle i gymryd rhan mewn rhwydweithio cyflym gyda darparwyr gwasanaeth/grwpiau lleol eraill, a dilyn sgyrsiau dros brunch ysgafn!

Os hoffech fynychu'r digwyddiad — boed i hyrwyddo'ch gwasanaeth, cael gwybod am wasanaethau a gweithgareddau eraill, neu ddod o hyd i gysylltiadau newydd i gydweithio yn lleol — cwblhewch y ffurflen archebu fer i ofyn am eich lle am ddim.

Archebwch eich lle

Am unrhyw ymholiadau, cysylltwch â Sian Clemett-Davies (Swyddog y Fro sy'n Gyfeillgar i Oedran).