Staffnet+ >
Cydweithwyr yn Dathlu Derek Mote Ar ôl Mwy na 47 Mlynedd o Wasanaeth
Cydweithwyr yn Dathlu Derek Mote Ar ôl Mwy na 47 Mlynedd o Wasanaeth
17 Tachwedd 2026
Ar ôl bron i 50 mlynedd o wasanaeth ymroddedig, mae Derek Mote yn ymddeol o Dîm Parciau a Gerddi'r Cyngor.
Ar ôl ymuno â'r Cyngor ar 23 Gorffennaf 1979, mae Derek wedi gweithio ar draws bron pob agwedd ar y gwasanaeth rheng flaen hanfodol hwn, gan adeiladu ehangder heb ei ail o wybodaeth a phrofiad. Mae ei yrfa wedi gweld iddo ymgymryd ag ystod eang o rolau, gan gynnwys torri glaswellt, cynnal a chadw tiroedd, paratoi wicedi criced, cynnal a chadw caeau chwaraeon a gwaith coeadwriaethol.
Mae wedi gweithio mewn rhai o barciau a lleoliadau chwaraeon mwyaf adnabyddus y Fro, gan gynnwys Parc Gwledig Porthceri, Parc Romilly, Stadiwm Parc Jenner a Maes Bowlio Parc Fictoria. Yn gynnar yn ei yrfa, cwblhaodd Derek bum mlynedd o hyfforddiant garddwriaethol a diwylliant tywarchen, gan ddangos ei ymrwymiad i ddatblygu ei sgiliau proffesiynol.
Mae cydweithwyr yn disgrifio Derek fel aelod gweithgar, dibynadwy ac uchel ei barch o'r tîm y mae ei brofiad, gwybodaeth a hiwmor da wedi ei wneud yn gydweithiwr gwerthfawr ac yn ffrind i lawer dros y blynyddoedd.
Wrth fyfyrio ar ei ymddeoliad, dywedodd Derek: “Wrth edrych yn ôl, gallaf ddweud yn onest fy mod wedi caru fy amser gyda'r tîm Parciau a'r Tiroedd ac ni fyddwn i wedi newid unrhyw beth. Mae gweithio yn yr awyr agored a bod yn rhan o dîm mor agos wedi bod yn fraint wirioneddol. Mae cyfeillgarwch a chefnogaeth fy nghydweithwyr wedi golygu cymaint i mi dros y blynyddoedd, a nhw yw'r hyn y byddaf yn ei golli fwyaf.”
Wrth i Derek ddechrau ar ei ymddeoliad haeddiannol, mae cydweithwyr ar draws y Cyngor wedi diolch iddo am ei wasanaeth, ei gyfeillgarwch a'i ymroddiad rhyfeddol dros bron i bum degawd ac yn dymuno ymddeoliad hir, hapus ac iach iddo!
Bydd cydweithwyr Derek yn cyfarfod i ddathlu ei ymddeoliad yn Wetherspoons, y Barri, ddydd Gwener 27 Tachwedd o 3:00yp ymlaen. Mae croeso cynnes i ffrindiau a chydweithwyr ddod draw ac ymuno i nodi'r achlysur arbennig hwn.