Gweithgareddau Gwyliau'r Pasg a Chymorth gan y Gwasanaeth Gwybodaeth i Deuluoedd

Mae Gwasanaeth Gwybodaeth i Deuluoedd (FIS) Bro Morgannwg wedi llunio rhaglen lawn o weithgareddau ar gyfer plant, pobl ifanc a theuluoedd dros wyliau'r Pasg.

Mae'r rhaglen yn cynnwys ystod eang o opsiynau megis sesiynau chwarae, gweithgareddau chwaraeon a gyflwynir gan y timau Byw'n Iach a Chwaraeon a Chwarae, dangosiadau sinema, llwybrau'r Pasg, sesiynau traeth awyr agored, a llawer mwy.

Yn ogystal â gweithgareddau, gall FIS hefyd helpu gyda chymorth ymarferol i deuluoedd. Mae hyn yn cynnwys gwybodaeth am gynlluniau gofal plant gwyliau, gwahanol fathau o ofal plant, cymorth gyda chostau gofal plant, a gwasanaethau i blant ag anghenion ychwanegol.

I ddarganfod beth sy'n digwydd yn agos atoch chi neu i gael rhagor o wybodaeth, ewch i wefan FIS neu ffoniwch 01446 704704.

Gallwch hefyd ddilyn tudalen Facebook FIS @VOGFIS i gael diweddariadau.