Claire Ford yn ymddeol ar ôl 33 mlynedd o wasanaeth

16 Rhagfyr 2025

Mae'r Partner Busnes Adnoddau Dynol, Claire Ford, yn ymddeol ar ôl 33 mlynedd o wasanaeth ymroddedig i'r Cyngor.

Yn dilyn cyfle i ffarwelio gyda’r rhai sydd wedi gweithio gyda hi dros y blynyddoedd, bydd diwrnod olaf Claire ar ddydd Gwener 19eg Rhagfyr 2025.

Dechreuodd Claire ei thaith gyda ni fel Cynorthwyydd Clerigol ym mis Medi 1992 a thrwy ei gwaith caled a'i hymrwymiad, aeth ymlaen i fod yn Swyddog Personél yn 2003, cyn ymgymryd â'i rôl bresennol fel Partner Busnes Adnoddau Dynol. 

Drwy gydol ei gyrfa, mae Claire wedi cefnogi timau ar draws pob cyfarwyddiaeth, gan ddod â'i gwybodaeth helaeth, ei phroffesiynoldeb, a'i hymroddiad diysgog i bopeth y mae'n ei wneud.

Y tu hwnt i'w harbenigedd, mae Claire yn adnabyddus am ei charedigrwydd, ei haelioni a'i chynhesrwydd, ac o hyd yn mynd uwchlaw a thu hwnt i gefnogi cydweithwyr.

Wrth siarad am eu hamser yn gweithio gyda Claire, dywedodd un o'i chydweithwyr: “Mae hi'n hudolus, yn llawn bywyd, a byth yn brin o stori ddoniol neu ddramatig i fywiogi'ch diwrnod! Mae Claire yn wirioneddol unigryw, a bydd pawb sydd wedi cael y pleser o weithio gyda hi yn colli ei phresenoldeb yn fawr.”

Rydym yn dymuno pob hapusrwydd a llwyddiant i Claire yn y bennod newydd gyffrous sydd o’i blaen!