Dathlu Mis Balchder Anabledd - Ymunwch â Ni i Nodi'r Achlysur!

01 Gorffennaf 2025

Disability Pride Month Banner

Mis Gorffennaf yw Mis Balchder Anabledd, amser arbennig i ddathlu creadigrwydd, gwytnwch a chyflawniadau pobl anabl ledled y DU. Mae'n gyfle pwysig i gofleidio anabledd fel hunaniaeth gadarnhaol, herio stereoteipiau hen ffasiwn, a hyrwyddo cynhwysiant ledled ein cymunedau a'n gweithleoedd.

Mae Mis Balchder Anabledd yn annog sgyrsiau agored ac yn codi ymwybyddiaeth am amrywiaeth cyfoethog profiadau o fewn y gymuned anabl. Mae hefyd yn tynnu sylw at yr angen parhaus am hygyrchedd a chysylltiad - gwerthoedd yr ydym yn falch o'u hyrwyddo yma yng Nghyngor Bro Morgannwg.

Gadewch i ni ddefnyddio'r mis hwn i ddathlu gwahaniaeth, cefnogi ein gilydd, a pharhau i adeiladu amgylchedd mwy cynhwysol lle gall pawb ffynnu.

Ymunwch â Ni ar gyfer Digwyddiad Mis Balchder Anabledd Arbennig!

I nodi Mis Balchder Anabledd, mae Abl, ein rhwydwaith anabledd staff, yn gwahodd pob cydweithiwr yn gynnes i:

Abl LogoSeremoni Baner Balchder Anabledd - Tu allan i brif fynedfa'r Swyddfeydd Dinesig Dydd Llun 14 Gorffennaf 2025 am 4:15yp.

Bydd hyn yn cael ei ddilyn gan gynulliad hamddenol yn Ystafell Dunraven (yr Ystafell Gorfforaethol gynt), gan gynnig cyfle i gysylltu, rhannu profiadau, a dysgu mwy am waith Abl i feithrin cynhwysiant a chefnogaeth ar draws y Cyngor.

Digwyddiad y Maer:

Bydd Maer Bro Morgannwg hefyd yn cynnal digwyddiad cyhoeddus wrth y Faner Balchder Anabledd ar yr un diwrnod ger y Swyddfeydd Dinesig am 12yp.

Gwahoddir aelodau Abl a'r holl gydweithwyr i fynychu'r digwyddiad cymunedol hwn hefyd. Mae croeso i chi ddod draw i'r ddau ddigwyddiad — am ffordd wych o ddangos eich cefnogaeth i Fis Balchder Anabledd! 

Eisiau Dysgu Mwy?

Archwiliwch fis Balchder Anabledd ymhellach gyda'r adnoddau defnyddiol hyn: