FCCh yn Dathlu 10 Mlynedd o Lwyddiant Mabwysiadu

29 Gorffennaf 2025

Yr haf hwn, mae Cydweithfa Fabwysiadu y Fro, y Cymoedd a Chaerdydd (FCCh) yn dathlu 10 mlynedd ers sefydlu'r gwasanaeth.

Wedi'i gynnal gan Gyngor Bro Morgannwg, mae FCCh yn un o bum cwmni cydweithredol rhanbarthol yng Nghymru sy'n ffurfio'r Gwasanaeth Mabwysiadu Cenedlaethol (GMC). 

Mae FCCh yn darparu gwasanaethau mabwysiadu ar draws Bro Morgannwg, CBS Rhondda Cynon Taf, CBS Merthyr Tudful, a Chyngor Caerdydd - i gyd gyda chefnogaeth Cyd-bwyllgor a Bwrdd Rheoli sy'n cynnwys swyddogion ac aelodau o bob awdurdod lleol.

Ers 2015, mae FCCh wedi gosod dros 700 o blant gyda theuluoedd mabwysiadol ac wedi cymeradwyo mwy na 500 o deuluoedd mabwysiadol - cyflawniad enfawr ac yn brawf go iawn o'r hyn y gellir ei wneud trwy waith tîm a chydweithio.

Bob blwyddyn mae'r gwasanaeth yn mynychu nifer o ddigwyddiadau lleol a chenedlaethol i roi cyhoeddusrwydd i'r gwasanaeth ac eleni - ar y cyd â'r NAS - roedd FCCh yn rhan o ddathliadau blynyddol Pride a byddant yn mynychu Sioe Bro Morgannwg eleni hefyd.

Rhan allweddol o waith FCCh yw adeiladu gwasanaethau cymorth mabwysiadu — helpu teuluoedd ar ôl mabwysiadu, cynnig mynediad at gofnodion geni, a chynnal sesiynau a gweithgareddau grŵp poblogaidd. 

Mae diwrnodau teuluol blynyddol y gwasanaeth yn denu dros 100 o deuluoedd, a nododd FCCh y pen-blwydd yn 10 oed yn ei digwyddiadad teuluol diweddaraf yn gynharach ym mis Gorffennaf. 

Mae gan FCCh ei Swyddog Marchnata a Recriwtio ei hun hefyd - sy'n gweithio'n agos gyda phartneriaid rhanbarthol a chenedlaethol i hyrwyddo mabwysiadu fel dewis cadarnhaol - ac mae'r gwasanaeth bellach yn defnyddio nifer o lwyfannau cyfryngau cymdeithasol yn ogystal â gwefan gynhwysfawr iawn www.adopt4vvc.org i annog pobl sy'n ystyried mabwysiadu i ddod ymlaen.

Dywedodd Angela Harris, Rheolwr Mabwysiadu Rhanbarthol: “Mae yna lawer i ymfalchïo amdano, o'n perfformiad i'n partneriaethau - ond mae'r cyfan i lawr i waith caled ac ymroddiad ein tîm gwych.”