Mae'n Wythnos Hinsawdd Cymru 2025

Yr wythnos hon yw Wythnos Hinsawdd Cymru, cyfle i ni gyd fyfyrio ar yr hyn rydym yn ei wneud i fynd i'r afael â'r newid yn yr hinsawdd a sut y gall pob un ohonom chwarae ein rhan.

Fel rhan o Brosiect Sero, rydym wedi ymrwymo i dorri ein hôl troed carbon a chefnogi Bro wyrddach ac iachach. Dyma ychydig o ffyrdd rydyn ni'n nodi'r wythnos:

Tudalen staffnet newydd ar deithio cynaliadwy

Rydym wedi lansio tudalen Teithio Cynaliadwy newydd sbon ar StaffNet lle byddwch yn dod o hyd i gymhellion ariannol a chynigion ar gyfer teithio gwyrddach ac arweiniad ac adnoddau i'ch helpu i ddewis opsiynau teithio cynaliadwy

Mae ein harolwg teithio staff blynyddol yn dangos bod llawer o gydweithwyr eisoes yn dewis teithio cynaliadwy, boed yn rheolaidd neu'n achlysurol yn unig. Rydym yn gwybod bod bywydau prysur yn golygu nad yw bob amser yn bosibl bob dydd, ond gyda dros 5,000 o weithwyr, gall hyd yn oed newidiadau bach wneud gwahaniaeth mawr.

Rydym yn ffodus bod gennym fannau gwyrdd, llwybrau teithio llesol, a'r arfordir ar garreg ein drws, felly beth am roi cynnig ar deithio cynaliadwy, hyd yn oed unwaith?

Gwasanaeth ailgylchu tecstilau newydd

Gwasanaeth ailgylchu tecstilau newydd

Rydym hefyd yn falch o gyhoeddi gwasanaeth ailgylchu tecstilau newydd yn cael ei lansio o ddydd Llun 17 Tachwedd 2025, gan ddechrau yn y Barri a'i gyflwyno ar draws y sir fesul cam.

Bydd y dillad a gasglwn yn cael ail fywyd drwy ein offtaker, JMP Wilcox, lle byddant yn cael eu hailwerthu am brisiau isel yn y DU a thramor i helpu pobl nad ydynt yn gallu fforddio dillad newydd neu sydd angen eitemau o ansawdd gwell.

Os ydych yn byw yn y Barri, cadwch lygad am eich taflen neu ewch i'n gwefan i gael rhagor o wybodaeth.