Llyfrgell y Barri yn nodi Blwyddyn Genedlaethol Darllen gyda Noson Lyfrau y Byd 

20 Ebrill 2026

Mae Llyfrgell y Barri yn dathlu Blwyddyn Genedlaethol Darllen a Noson Lyfrau y Byd gyda rhodd llyfrau arbennig i'r gymuned.

Ar 23 Ebrill, bydd staff y llyfrgell yn y safle bws y tu allan i'r llyfrgell drwy gydol y dydd i ddosbarthu copïau am ddim o Cell One gan Leye Adenle. 

Mae Noson Lyfrau y Byd yn ddathliad blynyddol o ddarllen i oedolion, a gynhelir ar 23 Ebrill i gyd-fynd â Diwrnod Rhyngwladol y Llyfr UNESCO a dyddiad geni a marwolaeth traddodiadol William Shakespeare.

Mae'n cael ei ddisgrifio'n aml fel fersiwn o Ddiwrnod y Llyfr i oedolion, ac mae'n annog pobl i rannu llyfrau ac ysbrydoli eraill i ddarganfod manteision a mwynhad darllen.

Byddant hefyd yn rhannu gwybodaeth am sut i ymuno â'r llyfrgell, cymryd rhan yn yr Awr Ddarllen, a mwynhau popeth sydd gan y Flwyddyn Genedlaethol Darllen i'w gynnig.

Drwy gydol yr un wythnos, bydd copïau ychwanegol o'r llyfr a thaflenni hyrwyddo yn cael eu dosbarthu i fyfyrwyr yng Nghanolfan Dysgu'r Fro.

Mae'r digwyddiad hwn yn rhan o ymrwymiad parhaus y Cyngor i gefnogi llythrennedd, meithrin cariad at ddarllen, a chryfhau cysylltiad yn ein cymunedau.

Galwch draw i Lyfrgell y Barri ar 23 Ebrill i fachu llyfr!