Annette Harrison yn Ennill Gwobr Arweinyddiaeth Genedlaethol

30 Mehefin 2026

Llongyfarchiadau i Annette Harrison - un o'n Uwch Gweithwyr Ymgysylltu Ieuenctid gyda'r Gwasanaeth Ieuenctid - sydd wedi cael ei henwi yn enillydd y Wobr Arweinyddiaeth yng Ngwobrau Rhagoriaeth Gwaith Ieuenctid 2026.

Roedd y wobr yn cydnabod arweinyddiaeth, gweledigaeth ac ymroddiad rhagorol Annette wrth drawsnewid gwaith ieuenctid awyr agored ar draws Bro Morgannwg.

Mae ei hymrwymiad i wrando ar bobl ifanc a staff a'u grymuso wedi helpu i greu diwylliant lle mae syniadau'n cael eu gwerthfawrogi, meithrin hyder ac annog arloesedd.

Mae gwobr Annette hefyd yn cyd-fynd yn berffaith ag Wythnos Gwaith Ieuenctid — wythnos i gydnabod gwaith y rhai sy'n mynd uwchlaw a thu hwnt bob dydd i gefnogi ein pobl ifanc.

Mae'r Gwobrau Rhagoriaeth Gwaith Ieuenctid yn dathlu arfer gwaith ieuenctid rhagorol ledled Cymru ac yn cydnabod unigolion sy'n arddangos rhagoriaeth wrth gefnogi a grymuso pobl ifanc.

Mae arweinyddiaeth Annette yn ei rôl o fewn Gwasanaeth Ieuenctid y Fro wedi bod yn allweddol wrth ehangu mentrau gan gynnwys Gwobr Dug Caeredin, rhaglen gymunedol ein Gofodau Cynnes a phrosiect rhyng-genedlaethau yr Hive Guys.

Mae ei chyflawniad yn brawf o effaith gadarnhaol gwaith ieuenctid ledled y Fro a'r ymroddiad y mae'n ei ddwyn i helpu pobl ifanc i wireddu eu potensial.

Da iawn Annette! Llongyfarchiadau!