Staff Dechrau'n Deg y Fro yn cefnogi Diwrnod Cenedlaethol Dim Ysmygu

16 Mawrth 2026

Mae staff Dechrau'n Deg o amgylch Bro Morgannwg wedi bod yn codi ymwybyddiaeth o niweidiau ysmygu fel rhan o ymgyrch ymwybyddiaeth genedlaethol.

Gan ddefnyddio adnoddau a ddarperir gan y tîm Iechyd Cyhoeddus lleol - mae Rheolwr Iechyd Dechrau'n Deg Kate Herrington ac Emma Selby, Rheolwr Gofal Plant Dechrau'n Deg, wedi bod yn gweithio ochr yn ochr ag ymwelwyr Iechyd, staff Blynyddoedd Cynnar a staff Rhianta yng nghanolfan deuluol Dechrau'n Deg ac mewn grwpiau i ennyn diddordeb rhieni yn yr ymgyrch.

Gyda'i gilydd, maent wedi bod yn cael sgyrsiau am ysmygu, yn cynnig cyngor, ac yn cyfeirio teuluoedd at wasanaethau cymorth ac adnoddau sydd ar gael ledled y Fro i helpu i roi'r gorau i ysmygu.

Dywedodd Kate Herrington, Rheolwr Iechyd Dechrau'n Deg: “Mae Diwrnod Cenedlaethol Dim Smygu yn gyfle gwych i godi ymwybyddiaeth o'r gefnogaeth sydd ar gael i helpu pobl i roi'r gorau i ysmygu yn y Fro. Drwy gydweithio â'r timau Dechrau'n Deg a siarad yn uniongyrchol gyda theuluoedd, gallwn annog newidiadau cadarnhaol sydd o fudd i iechyd rhieni a phlant”