Mae ein gwefan yn defnyddio cwcis
Rydym yn defnyddio cwcis ar gyfer gweithrediad gwefannau ac i helpu i ddadansoddi ein traffig er mwyn i ni allu gwella ein gwasanaethau. Mae cwcis angenrheidiol yn helpu i wneud y wefan yn ddefnyddiadwy drwy alluogi swyddogaethau sylfaenol fel llywio tudalen. Ni all y wefan weithredu'n iawn heb y cwcis hyn. Dewiswch eich dewisiadau isod. Gwybodaeth am Gwcis
Galluogi pob cwci Caniatáu dewis
Gydol 2017, bydd Cyngor Bro Morgannwg yn annog pob gyrrwr i ‘Barcio’n Dwt’ fel rhan o ymgyrch fydd yn digwydd ar y cyfryngau cymdeithasol.
Dywedodd y Cynghorydd Peter King, Aelod y Cabinet dros Wasanaethau Adeiladu, Priffyrdd a Chludiant: “Rydyn ni i gyd yn gwybod bod parcio anystyriol a pheryglus yn boendod mawr i drigolion y Fro.
“Fel sy’n arferol, lleiafrif bach o bobl sy’n creu’r anawsterau hyn. Mae gan yr ymgyrch hon ddau nod. Yn gyntaf, tynnu sylw at y ffaith bod parcio amhriodol yn beryglus, er mwyn ceisio annog pobl i feddwl cyn parcio. Yn ail, ei gwneud hi’n haws i fodurwyr cyfrifol roi gwybod i ni am barcio gwael er mwyn i ni allu delio ag e.
“Mae parcio anghyfrifol yn gyffredin iawn y tu allan i ysgolion a ger cyffyrdd prysur. Byddwn yn canolbwyntio ar yr ardaloedd hynny. Ein nod yw codi ymwybyddiaeth am yr anghyfleustra mae parcio ar hyd cyrbau ag ymylon isel neu ar balmentydd yn ei greu i bobl eraill.
“Drwy ddangos i bobl sut i Barcio’n Dwt, ein gobaith yw y gallwn leihau parcio anystyriol yn y Fro a lleihau felly y mesurau gorfodi y mae’n rhaid i ni eu rhoi ar waith.”
Gallwch hysbysu’r Cyngor am barcio anystyriol ar-lein yn neu drwy ffonio 01446 700111.