Top

Brig

Cyfranogiad Cyhoeddus yng Nghyfarfodydd y Cyngor

Gall aelodau’r cyhoedd gymryd rhan mewn amryw o gyfarfodydd y Cyngor a Phwyllgorau a gynhelir gan Gyngor Bro Morgannwg

   

question-mark

Cwestiynau gan y Cyhoedd yng Nghyfarfodydd y Cyngor 

Gall unrhyw un sydd â’i enw ar Gofrestr Etholiadol Bro Morgannwg, neu sy’n drethdalwr neu’n dalwr trethi busnes ym Mro Morgannwg ofyn cwestiwn yng nghyfarfodydd y Cyngor.

 

Mae hyn yn amodol ar gyflwyno cwestiwn ymlaen llaw sy’n cael ei dderbyn cyn y cyfarfod. Cofrestrwch i ofyn cwestiwn yn un o gyfarfodydd y Cyngor drwy lenwi’r ffurflen ar-lein isod.


Cofrestru i ofyn cwestiwn  

  

  • Beth fydd y drefn yng nghyfarfod y Cyngor?  
    Bydd y Maer yn eich gwahodd i ofyn eich cwestiwn i’r Aelod Cabinet perthnasol. Os na allwch fod yn bresennol ar y diwrnod, gellir gofyn i Reolwr Gyfarwyddwr y Cyngor ofyn y cwestiwn i’r Maer ar eich rhan a threfnu bod ateb ysgrifenedig ar gael i chi. 
  • Faint o amser fydd gen i i siarad yn y cyfarfod? 
    Caniateir uchafswm o 30 munud ar gyfer yr holl gwestiynau. 
  • Pryd ac ymhle y cynhelir y cyfarfodydd?  
    Cynhelir Cyfarfodydd y Cyngor yn Siambr y Cyngor yn y Swyddfeydd Dinesig, Holton Road, Barri. Map 
  • Sut bydd cwestiynau’n cael eu trefnu? 
    Bydd cwestiynau’n cael eu hateb yn y drefn y derbyniwyd nhw gennym, er y gellir coladu cwestiynau tebyg at ei gilydd. 
  • Beth os na fydd amser yn caniatáu i mi siarad? 
    Er ei bod yn annhebygol, os na cheir ateb i’ch cwestiwn naill ai oherwydd diffyg amser, absenoldeb yr Aelod Cabinet perthnasol a fyddai wedi eich ateb, neu unrhyw reswm arall, caiff ei ateb yn y cyfarfod nesaf neu, ar eich cais, gellir trefnu ateb ysgrifenedig. 
  • Pwy all siarad? 
    Unrhyw un sydd â’i enw ar Gofrestr Etholiadol Bro Morgannwg, neu sy’n drethdalwr neu’n dalwr trethi busnes ym Mro Morgannwg. Mae hyn yn amodol ar gyflwyno cwestiwn ymlaen llaw sy’n cael ei dderbyn. 
  • Pa fath o gwestiwn galla i ei ofyn?  

    Gallwch ofyn cwestiynau am yr isod:

    - polisïau’r Cyngor 

    - gwaith y Cyngor yng nghyd-destun unrhyw fater sy’n effeithio ar Fro Morgannwg

  • Ni dderbynnir cwestiynau os ydynt yn:  

    - ymwneud â materion nad yw’r Cyngor yn gyfrifol amdanynt neu nad sy’n effeithio’n uniongyrchol ar Fro Morgannwg

    - enllibus, yn benchwiban neu’n sarhaus

    - ymwneud â chwyn (dylid cyflwyno’r rhain drwy system cwynion ffurfiol y Cyngor)

    - berthnasol i’r holwr ei hun neu ei deulu

    - ymwneud â chais cynllunio penodol neu gais am drwydded

    - berthnasol i Aelod Etholedig, aelod o staff y Cyngor neu aelod o’r cyhoedd yn benodol

    - rhy debyg i gwestiwn a ofynnwyd eisoes yn un o gyfarfodydd y Cyngor o fewn y chwe mis diwethaf

    - gofyn am ddatgelu gwybodaeth gyfrinachol neu sydd wedi’i heithrio

    - gofyn am ateb a fyddai’n golygu amser, ymdrech neu wariant anghyfartal i’w baratoi 

    - yn cael eu derbyn o leiaf 10 diwrnod gwaith cyn y cyfarfod. (Calendr y Cyfarfodydd

 

 

Section of Vale map

Bod yn rhan o Gyfarfodydd y Pwyllgor Cynllunio

Yn ogystal ag ymateb i ymgynghoriadau a gynhelir ar gynllunio a materion cysylltiedig, os a phan fydd y Pwyllgor Cynllunio’n ystyried cais am ddatblygiad newydd, mae darpariaeth i aelodau’r cyhoedd siarad yn y cyfarfod Pwyllgor hwnnw.

 

Mae Canllawiau i Siarad yn Gyhoeddus mewn Cyfarfod Pwyllgor Cynllunio ar gael sy’n egluro’r broses a sut i gofrestru i siarad. 

 

 

Noder: Bydd y ffenestr i siarad yn dod yn weithredol am 8.30am 6 niwrnod cyn cyfarfod y Pwyllgor ac yn cau am 5.00pm  2 ddiwrnod gwaith clir cyn cyfarfod y Pwyllgor. 

 

Er enghraifft, pan fydd cyfarfod y Pwyllgor yn digwydd am 4.00pm ar ddydd Iau (fel y mae’r drefn arferol) bydd y ffenestr yn agor am 8.30am ar y dydd Gwener cyn y cyfarfod, ac yn cau am 5.00pm ar y dydd Mawrth cyn y cyfarfod.  Dim ond yn ystod y cyfnod hwn y gellir cwblhau’r ffurflen gofrestru.

 

Cofrestru i Siarad 

 

Council-chamber

Bod yn Rhan o Gyfarfodydd Pwyllgorau Craffu 

Mae’r pwyllgorau craffu yn rhoi cyfle i’r cyhoedd fod yn rhan o weithgareddau’r Cyngor.   

 

Mae darpariaeth ar gyfer siarad cyhoeddus mewn cyfarfodydd Pwyllgorau Craffu. Mae Canllawiau ar Gyfranogiad Cyhoeddus ar gael sy’n egluro’r broses a sut i gofrestru i siarad.

  

 

Llenwch y ffurflen berthnasol i gofrestru i siarad mewn cyfarfod pwyllgor craffu:

 

 

 

coast walking boots

Bod yn Rhan o Is-bwyllgor Hawliau Tramwy Cyhoeddus 

Mae darpariaeth ar gyfer siarad cyhoeddus yng nghyfarfodydd Is-bwyllgor Hawliau Tramwy Cyhoeddus.  

 

Mae Canllaw i Siarad yn Gyhoeddus mewn Is-bwyllgor Hawliau Tramwy Cyhoeddus ar gael sy’n egluro’r broses a sut i gofrestru i siarad: 

 

 

Nodwch: Mae’r cyfnod ar gyfer cofrestru i siarad yn dechrau am 08.30am, 6 diwrnod cyn cyfarfod y Pwyllgor ac yn dod i ben am 5.00pm, ddau ddiwrnod gwaith llawn cyn y cyfarfod. Er enghraifft, pan fo cyfarfod y Cyngor yn cael ei gynnal ar ddydd Iau am 6.00pm (sef y diwrnod ac amser arferol), bydd y cyfnod cofrestru yn dechrau am 08.30am y dydd Gwener cyn y cyfarfod ac yn dod i ben am 5.00pm ar y dydd Mawrth cyn y cyfarfod. Dim ond yn ystod y cyfnod hwn y gellir cwblhau’r ffurflen gofrestru.

 

Cofrestru i siarad 

 

*Mae'r dogfennau hon ar gael yn Saesneg yn unig

Rhannu Hoffi