Oxford Resources
Wrth fynd at adnoddau Oxford o bell, e.e. o'ch teclyn eich hun neu o gartref, bydd angen i chi deipio'r llythrennau "vg" ac yna rif eich cerdyn llyfrgell, e.e. vg30000031
Gallwch gael mynediad at yr holl adnoddau gan Brifysgol Rhydychen rydyn ni'n tanysgrifio iddyn nhw drwy'r dudalen lanio hon.
Mae’r rhain yn cynnwys:
Mae What Everyone Needs to Know® yn gyfres a ysgrifennir gan arbenigwyr blaenllaw yn eu meysydd ac mae'n cynnig trafodaethau awdurdodol ar faterion cyfoes cymhleth ar dros 100 o bynciau, o rywedd i gynaliadwyedd i robotiaid, mewn fformat holi ac ateb bywiog.
Mae’r Oxford English Dictionary yn eiriadur hanesyddol sy'n cynnwys ystyr, hanes, a defnydd dros 500,000 o eiriau ac ymadroddion o ddoe a heddiw, o bob rhan o'r byd sy’n siarad Saesneg.
Mae’r Oxford Dictionary of National Biography yw'r cofnod cenedlaethol o ddynion a menywod sydd wedi siapio pob agwedd ar hanes a diwylliant Prydain ledled y byd, o'r Rhufeiniaid i'r 21ain ganrif.
Oxford Dictionaries Premium yw hafan ein hadnoddau iaith premiwm ar gyfer Saesneg, Arabeg, Tsieinëeg, Ffrangeg, Almaeneg, Eidaleg, Portiwgaleg, Rwsieg, a Sbaeneg.
Mae’r Oxford Reference yn sylfaen graidd o 160+ o eiriaduron academaidd cryno sy’n wych ar gyfer gwirio ffaith.
Mae’r Very Short Introductions yn llyfrau lefel gychwynnol, sy'n cynnig trosolwg eang darllenadwy iawn i ddefnyddwyr i ysbrydoli diddordeb a brwdfrydedd mewn pwnc.
Who's Who yw'r brif ffynhonnell o wybodaeth gyfredol am dros 32,500 o bobl ddylanwadol o bob cefndir, ledled y byd.
Mae Who Was Who yn archif hanesyddol amhrisiadwy sy'n dyddio’n ôl i 1897, sy'n cynnwys cofnodion am dros 100,000 o bobl, sydd bellach wedi marw, a oedd wedi’u cynnwys mewn rhifynnau blaenorol o Who's Who.
Mae’r Oxford Bibliographies yn argymhellion darllen, yn pwyntio defnyddwyr at y ffynonellau gorau ar bwnc wrth adael i'r ymchwilydd ddarllen y gwaith ysgolheigaidd gwreiddiol.
Mae Oxford World's Classics yn rhoi mynediad at nofelau ac ysgrifau clasurol dilys. Mae'r cyfrolau'n cynnwys cyflwyniadau arbenigol, nodiadau cynhwysfawr, cronolegau awduron, a llyfryddiaethau cyfoes, gan ei wneud yn adnodd gwerthfawr i fyfyrwyr, ymchwilwyr, a selogion llenyddiaeth.
Mae’r American National Biography yn cynnig cofnod cenedlaethol helaeth o ffigurau arwyddocaol, dylanwadol neu enwog o hanes America a ysgrifennwyd gan ysgolheigion amlwg.
Mae’r Oxford African American Studies Center yn meddu ar dros 20,000 o erthyglau gan yr ysgolheigion gorau yn y maes, gan gyfuno awdurdod gweithiau cyfeirio sydd wedi'u golygu'n ofalus gyda thechnoleg soffistigedig i greu'r casgliad mwyaf cynhwysfawr o waith ysgolheigaidd sydd ar gael ar-lein i ganolbwyntio ar y bywydau a'r digwyddiadau sydd wedi siapio hanes a diwylliant Affro-Americanaidd ac Affricanaidd.
Mae’r Benezit Dictionary of Artists yn adnodd cynhwysfawr a diffiniol ar gyfer bywgraffiadau artistiaid, sydd wedi’i gyhoeddi ers 1911, gan gynnwys 149,000 o fywgraffiadau yn ogystal â chofnodion ocsiynau, hanesion arddangosfeydd, a dros 11,000 o ddelweddau o lofnodion a stampiau gwerthu artistiaid.
Mae'r World Shakespeare Bibliography yn gronfa ddata electronig y gellir ei harchwilio sy'n cynnwys y cofnod mwyaf cynhwysfawr o waith ysgolheigaidd a chynyrchiadau theatrig cysylltiedig â Shakespeare sydd wedi’u cyhoeddi a’u cynhyrchu ledled y byd o 1960 hyd heddiw.
Mae'r New Oxford Shakespeare yn cyflwyno ystyriaeth hollol newydd o holl weithiau Shakespeare, wedi'i olygu o'r egwyddorion cyntaf o'r testunau sylfaenol eu hunain, ac yn tynnu ar y gwaith ysgolheigaidd testunol a theatrig diweddaraf.