Cyngor Bro Morgannwg
Vale of Glamorgan Council
Cost of Living Support Icon
​

Ymgysylltu â'r Gymuned

Grwpiau diogelwch cymunedol sy'n aros yn effro ac yn rhannu gwybodaeth i leihau troseddau a fandaliaeth

 

allotment watch icon

Gwarchod Rhandiroedd

paws patrol watch icon

Paws on Patrol

business watch icon

Gwarchod Busnes

safe places icon

Mannau Diogel 

neighbour watch icon

Gwarchod Cymdogaeth

Gwarchod Rhandiroedd

Mae Gwarchod Rhandiroedd yn fenter diogelwch cymunedol. Mae'n helpu deiliaid rhandiroedd i gadw’n effro, rhannu gwybodaeth, a lleihau troseddu a fandaliaeth.

Shape 

Manteision ymuno â Gwarchod Rhandiroedd 

  • Cael y wybodaeth ddiweddaraf: Cael diweddariadau rheolaidd am droseddau ar gyfer rhandiroedd.

  • Cyfathrebu Effeithiol: Rhannu awgrymiadau a gwybodaeth â’r heddlu a deiliaid rhandir eraill.

  • Atal Troseddu: Gall arwyddion ac ymwybyddiaeth glir atal troseddu.

  • Diogelwch Cymunedol: Amddiffyn eich rhandir a hyrwyddo ardal rhandiroedd fwy diogel

Pam mae'n bwysig

Gall deiliaid rhandir wynebu lladrad, fandaliaeth, a throseddau eraill. Mae cynllun Gwarchod Rhandiroedd cryf yn gweithredu fel dull atal. Cofiwch, ni ddylai aelodau byth wynebu pobl dan amheuaeth.

 

Os ydych chi'n gweld rhywbeth amheus: Peidiwch â chynhyrfu, arsylwch yn ofalus, ac adroddwch i'r heddlu.

 

  • Call 101 ar gyfer digwyddiadau nad ydynt yn frys

 

  • Call 999 os oes trosedd yn digwydd

 

Oes gennych Chi Ddiddordeb mewn Ymuno?

Cofrestrwch Yma

neu e-bostiwch y Tîm Diogelwch Cymunedol i gael ffurflen gofrestru:

 

 

  • Trwy gofrestru, byddwch chi’n:

    • Cadw ymwybyddiaeth o faterion lleol

    • Derbyn diweddariadau am droseddau

    • Helpu i ddiogelu eich rhandir a'ch cymuned

 

Neges Atgoffa Bwysig:

Os ydych chi'n sylwi ar weithgaredd amheus, dywedwch wrth eich rheolwr safle ar unwaith. Mae eich arsylwadau yn hanfodol - ni allwn ymladd troseddu heb eich help.

Gwarchod Busnes

Cynllun Gwarchod Busnes yn Cefnogi Busnesau Lleol, Atal Troseddau 

 

Beth yw'r Cynllun Gwarchod Busnes? 

Mae'r Cynllun Gwarchod Busnes yn fenter a arweinir gan y gymuned sy’n defnyddio’r model “cymdogion yn gofalu am gymdogion” wedi’i addasu ar gyfer busnesau. Mae'n cysylltu busnesau lleol, asiantaethau gorfodi'r gyfraith a phartneriaid cymunedol er mwyn lleihau troseddu a gwella diogelwch trwy gyfathrebu a gwaith tîm.

 

Pam Ymuno?

Drwy gofrestru ar gyfer System Rhybuddion am ddim y Cynllun Gwarchod Busnes, mae busnesau'n derbyn diweddariadau amserol ar y canlynol:

  • Troseddau lleol sy'n gysylltiedig â busnesau

  • Bygythiadau seiber sy'n dod i'r amlwg

  • Awgrymiadau atal troseddau

  • Newyddion diogelwch cymunedol
  • Digwyddiadau lleol a chyfleoedd rhwydweithio

Ein Hamcanion:  

  • Hyrwyddo cyfathrebu rhwng busnesau a phartneriaid statudol

  • Cryfhau cydweithredu ymhlith perchnogion busnes

  • Addysgu ar dechnegau atal troseddu

  • Annog gwyliadwriaeth a chefnogaeth gydfuddiannol

  • Datblygu sianeli cyfathrebu cyflym ar gyfer rhannu rhybuddion, llwyddiannau teledu cylch cyfyng, diweddariadau diogelwch, a gwybodaeth am ddigwyddiadau lleol

I gael mwy o fanylion neu i gofrestru ar gyfer Cynllun Gwarchod Busnes yn eich ardal chi, cysylltwch â ni yn:

 

Gyda'n gilydd, gallwn adeiladu cymuned fusnes fwy diogel a chryfach. 

Gwarchod Cymdogaeth

Beth yw’r Cynllun Gwarchod Cymdogaeth? 

Mae’r Cynllun Gwarchod Cymdogaeth yn fenter a arweinir gan y gymuned lle mae trigolion yn dod at ei gilydd i helpu i gadw eu hardal yn ddiogel, yn gysylltiedig ac yn wybodus. Bydd Cydlynydd Gwirfoddolwr yn helpu i drefnu ac arwain y Cynllun.

 

Beth sy'n Gwneud Cynllun Gwarchod Cymdogaeth yn Llwyddiannus? 

  • Gofalu am ddiogelwch y gymuned leol ac ehangach

  • Meithrin cysylltiadau cryf â’r Bartneriaeth Bro Ddiogelach ac asiantaethau eraill

  • Rhannu a dilyn cyngor atal troseddu

  • Hyrwyddo gwyliadwriaeth ac ysbryd cymunedol cryf

Mae pob Cynllun Gwarchod yn annibynnol wedi’i gefnogi gan Bwyllgor CGC Bro Morgannwg, ond heb ei redeg gan y Pwyllgor. Mae'n ymwneud â gofalu am ein gilydd ac adeiladu cymdogaeth fwy diogel, gofalgar.

 

Sut i Sefydlu Cynllun Gwarchod 

  1. Cysylltwch â Chynllun Gwarchod Cymdogaeth Bro Morgannwg:

     

  1. Bydd aelod yn anfon pecyn gwybodaeth atoch 

  1. Os byddwch yn penderfynu dod yn Gydlynydd, bydd cyfarfod yn cael ei drefnu gyda: 

  • Chi (y Cydlynydd)
  • Aelod o’r Pwyllgor CGC
  • Swyddog Diogelwch Cymunedol

  1. Yn ystod y cyfarfod: 

  • Bydd gwaith papur yn cael ei esbonio a'i gwblhau

  • Bydd y ffurflenni yn cael eu cyflwyno gan y Swyddog Diogelwch Cymunedol

  1. Ar ôl eu cymeradwyo, byddwch yn derbyn: 

  • Llythyr croeso

  • Cadarnhad yswiriant atebolrwydd cyhoeddus am ddim

  • Caniatâd i osod arwydd stryd

  • Mynediad i'r system Negeseuon Cymunedol

Paws on Patrol

Beth yw Paws on Patrol? 

Menter gymunedol yw Paws on Patrol sy'n annog cerddwyr cŵn i helpu i amddiffyn eu cymdogaethau trwy fod yn llygaid ac yn glustiau ychwanegol wrth fynd o gwmpas y lle.

 

Y nod yw meithrin ysbryd cymunedol, lleihau cyfleoedd ar gyfer troseddu ac ymddygiad gwrthgymdeithasol, a helpu pobl – yn enwedig y rhai sy’n agored i niwed – i deimlo’n fwy diogel.

 

Beth mae bod yn aelod yn ei olygu?

Fel aelod, byddwch yn cael eich annog i: 

  • Roi gwybod am ymddygiad amheus

  • Rhoi gwybod am dipio anghyfreithlon

  • Eich rôl chi yw arsylwi, adrodd a helpu i gasglu tystiolaeth

Nodau Paws on Patrol

  • Lleihau cyfleoedd ar gyfer troseddu ac ymddygiad gwrthgymdeithasol

  • Lleihau ofn troseddu, yn enwedig ymhlith preswylwyr agored i niwed

  • Meithrin ysbryd cymunedol lle mae cerddwyr cŵn yn helpu i amddiffyn eu cymdogaeth

 

Sylwer:

Nid yw aelodau Paws on Patrol yn vigilantes.

 

Stopio troseddu yw gwaith yr Heddlu.

 
Nod Paws on Patrol yw rhannu gwybodaeth â Chyngor Bro Morgannwg, Heddlu De Cymru a Gwasanaeth Tân ac Achub De Cymru ac i helpu i wneud cymunedau'n fwy diogel.

 

Oes gennych Chi Ddiddordeb mewn Ymuno?

Ffurflen Gofrestru

neu e-bostiwch y Tîm Diogelwch Cymunedol i ofyn am ffurflen gofrestru: 

 

 

Mannau Diogel

Beth yw'r Cynllun Mannau Diogel? 

Mae Mannau Diogel yn fenter gymunedol sydd wedi'i chynllunio i gefnogi pobl ifanc ac oedolion a allai fod yn agored i niwed. Mae'n darparu rhwydwaith o leoliadau dibynadwy lle gall unigolion fynd os ydynt yn teimlo'n anniogel, ar goll, neu angen help pan fyddan nhw allan yn gyhoeddus. 

Shape 

safe places logo

Beth yw Man Diogel? 

Gall Man Diogel fod yn:

  • Siop
  • Swyddfa
  • Caffi
  • Llyfrgell
  • Adeilad cyhoeddus

Mae pob Man Diogel yn arddangos y logo Mannau Diogel fel eu bod yn hawdd eu hadnabod.

 

Y Mannau Diogel Presennol ym Mro Morgannwg:

  • Y Barri

    • Eto by Awesome Wales 

    • Barnardo’s 

    • Peacocks 

    • TL Computer Systems 

    • Empress Piecing 

    • The Well Being Shop 

    • Marie Curie 

    • The Heavenly Vegan Coffi 

    • Cwtch Coffee 

    • Crafted Arts 

    • High Street Coffee Quarter 

    • Barry Library 

  • Llanilltwd Fawr 

    • The Old Swan Inn 

    • The Tudor Tavern 

    • The White Hart 

    • Llantwit Major Football Club 

    • Llantwit Major Rugby Club 

    • Filco Llantwit Major 

    • Spar Llantwit Major 

    • Toymaster Llantwit Major 

    • Chris Williams Optometrist 

    • Pastures Green 

    • Coast Café 

    • Llantwit Major Library 

  • Penarth 

    • Penarth Library 

    • Golden Lion Pub 

    • Albion Pub 

 

Pam Bod yn Fan Diogel?

  • Increases public awareness of your business or service 

  • Cynyddu ymwybyddiaeth y cyhoedd o'ch busnes neu wasanaeth

  • Yn gwella eich delwedd gymunedol

  • Helpu pobl i deimlo'n hyderus ac wedi’u cefnogi pan fyddan nhw allan ar eu pennau eu hunain

  • Cyfrannu at wneud Bro Morgannwg yn lle mwy diogel

ShapeLawrlwythwch yr Ap Mannau Diogel 

Mae'r ap Mannau Diogel ar gael am ddim ac yn dangos yr holl Fannau Diogel cofrestredig yn y Fro. Ar gael o’r App Store neu Google Play.

 

Eisiau Ymuno â'r Cynllun?

Gall busnesau e-bostio:

Byddwch chi’n derbyn ffurflen gofrestru yn gofyn am: 

  • Enw’r Lleoliad

  • Cyfeiriad

  • Oriau agor