Mae ein gwefan yn defnyddio cwcis
Rydym yn defnyddio cwcis ar gyfer gweithrediad gwefannau ac i helpu i ddadansoddi ein traffig er mwyn i ni allu gwella ein gwasanaethau. Mae cwcis angenrheidiol yn helpu i wneud y wefan yn ddefnyddiadwy drwy alluogi swyddogaethau sylfaenol fel llywio tudalen. Ni all y wefan weithredu'n iawn heb y cwcis hyn. Dewiswch eich dewisiadau isod. Gwybodaeth am Gwcis
Galluogi pob cwci Caniatáu dewis
Dydd Mawrth, 21 Mis Tachwedd 2017
Bro Morgannwg
Gan ddechrau wrth gabanau’r traeth ar y Promenâd, anogir rhedwyr i wisgo fel eitemau bwyd i redeg cwrs 2k neu 5k o gwmpas yr ynys ddydd Sadwrn 2 Rhagfyr.
Bydd y Swyddog dros Fuddsoddi Cymunedol a Chyfranogiad, Mark Ellis, a thîm yn rhedeg y ras 5k wedi gwisgo mewn gwisgoedd ffrwythau a llysiau.
Meddai Mark Ellis: “Rydyn ni’n trefnu’r ras i godi ymwybyddiaeth am y banc bwyd, a gwneud ymdrech arbennig ar gyfer yr achos. Byddai’n wych gweld teuluoedd yno a gall pobl gerdded, rhedeg neu loncian ar hyd y cwrs 5k.”
Mae bwyd banc y Fro yn Tennyson Road, Colcot, yn sefydliad elusennol dielw sy’n dosbarthu bwyd i’r bobl sy’n cael trafferth prynu digon o fwyd i osgoi newyn.
Mae chwe chanolfan ledled y Fro lle gall pobl adael pecynnau bwyd.
Gofynnir i redwyr y ras ddod ag eitemau bwyd i’w cyfrannu ar y diwrnod, y gellir eu rhoi mewn blwch cyfrannu ar ddiwedd y ras.
Mae’r ras ar agor i bobl o bob oedran a gallu a chaiff y rhedwyr eu hamseru.
Am fwy o wybodaeth am y ras neu i gyfrannu eitemau at y banc bwyd, ffoniwch Mark Ellis ar 07826 020707.
Cewch y wybodaeth ddiweddaraf am rasys parc ar Ynys y Barri ar y dudalen Facebook.