CDP am ddim i yrwyr Tacsis a CLlP yng Nghymru

Mae Llywodraeth Cymru wedi lansio menter Cyfarpar Diogelu Personol (CDP) am ddim i bob gyrrwr tacsi a cherbyd llogi preifat (CLlP) trwyddedig yng Nghymru.

• Dydd Llun, 08 Mis Mawrth 2021

  Bro Morgannwg

Mae Llywodraeth Cymru wedi cyhoeddi lansio menter cyfarpar diogelu personol am ddim ar gyfer pob gyrrwr cerbyd tacsi a cherbyd llogi preifat (CLlP) trwyddedig yng Nghymru, gan gynnwys gyrwyr Uber. Mae'r fenter hon wedi'i chynllunio i:

• cydnabod y cyfraniad pwysig y mae gyrwyr tacsis a cherbydau llogi preifat yn ei wneud i drafnidiaeth gyhoeddus yng Nghymru

• sicrhau bod y dull teithio hwn mor ddiogel â phosibl, i yrwyr a theithwyr

• sicrhau bod y sector hwn yn alinio’n agosach â gweithredwyr trafnidiaeth gyhoeddus eraill yng Nghymru.

Bydd y pecyn yn cynnwys gwerth chwe mis o gyfarpar diogelu personol a deunyddiau glanhau:

• 5 litr o hylif diheintio pob pwrpas

• 1 botel chwistrellu

• 6 x ewyn diheintio dwylo (500ml yr un)

• 2 x pecyn o glytiau wedi'u plygu (50 ym mhob pecyn)

• 2 x masg wyneb gradd feddygol y gellir eu golchi

• 1x blwch o 50 o orchuddion wyneb tafladwy

• 6 x pecyn o weips Detox (80 y pecyn)