Mae ein gwefan yn defnyddio cwcis
Rydym yn defnyddio cwcis ar gyfer gweithrediad gwefannau ac i helpu i ddadansoddi ein traffig er mwyn i ni allu gwella ein gwasanaethau. Mae cwcis angenrheidiol yn helpu i wneud y wefan yn ddefnyddiadwy drwy alluogi swyddogaethau sylfaenol fel llywio tudalen. Ni all y wefan weithredu'n iawn heb y cwcis hyn. Dewiswch eich dewisiadau isod. Gwybodaeth am Gwcis
Galluogi pob cwci Caniatáu dewis
Dydd Mawrth, 09 Mis Mawrth 2021
Bro Morgannwg
Wrth i strydoedd mawr ledled y DU wynebu heriau cynyddol, mae manwerthwyr yn chwilio am atebion arloesol i barhau i fasnachu a chynnal y berthynas hollbwysig honno gyda'u cwsmeriaid. Drwy ymuno fel hyn a datblygu llwyfan masnachu ar gyfer manwerthwyr Penarth gan ddefnyddio'r safle siopa digidol ShopAppy, mae manwerthwyr Penarth yn dod â'r stryd fawr i gartrefi eu trigolion. Mae hyn nid yn unig yn cynnig ateb gwych i gefnogi eu cwsmeriaid ar yr adeg anodd hon, ond mae hefyd yn caniatáu i fasnach barhau er mewn ffordd newydd ac arloesol. Datblygwyd y cynllun gan Grŵp Busnes Penarth a lwyddodd i sicrhau £12,000 o gyllid drwy Gyngor Bro Morgannwg i dreialu'r cynllun yn ystod ei flynyddoedd cyntaf yn masnachu.
Dywedodd y Dirprwy Arweinydd a’r Aelod Cabinet dros Addysg ac Adfywio, y Cynghorydd Lis Burnett: "Rydym yn falch iawn o gefnogi Grŵp Busnes Penarth i dreialu lansiad ShopAppy yn y sir."Wrth i ni ddechrau'r adferiad economaidd o’r coronafeirws, mae'n bwysicach nag erioed chwilio am ffyrdd o gefnogi ein siopau a'n busnesau lleol. Gobeithiwn y bydd treialu cynlluniau arloesol digidol fel ShopAppy Penarth yn cefnogi ein heconomi leol ymhellach drwy wella gwerthiant a denu mwy o gwsmeriaid yn y farchnad sy'n newid."Mae Grŵp Busnes Penarth bob amser wedi bod yn rhagweithiol iawn wrth gydweithio fel grŵp i wynebu heriau gyda'n gilydd, a'n gobaith yw y bydd hyn yn dod â budd gwirioneddol i fusnesau lleol a chymuned Penarth."Dywedodd Angelina Hall, Cadeirydd Grŵp Busnes Penarth; "Rydym wrth ein bodd o allu cyflwyno ShopAppy i'n cwsmeriaid ym Mhenarth. Mae'n ddelfrydol i bobl nad ydynt yn gallu galw heibio'r stryd fawr neu i’r rheiny y mae'n well ganddynt siopa ar-lein. Mae'n system hawdd ei defnyddio sy'n caniatáu i geidwaid siopau gofrestru a lanlwytho eu cynnyrch mewn munudau, ac mae'n cynnig system dalu gyflym a syml i gwsmeriaid."Mae'r gefnogaeth rydyn ni wedi'i chael hyd yma wedi bod yn aruthrol. Gallwch brynu popeth o doesenni jam i fodrwy diemwnt! Mae gennym bobyddion, caffis a bwytai, gemyddion, siopau melysion, siopau papurau newydd, siopau anrhegion, bwtîcs, delicatessens, siop drydanol, siop flodau a gwerthwyr pysgod, yn ogystal â llawer o wasanaethau manwerthu lleol sydd eisoes wedi cofrestru gyda mwy i ddod yn fuan iawn."
Anogir cwsmeriaid i edrych ar www.shopappy.com/Penarth i weld beth sydd ar gael nawr a beth sy'n dod yn fuan. Mae ShopAppy yn un o nifer o gynlluniau a lansiwyd gan y Cyngor i gefnogi ein Stryd Fawryn ystod y cyfnod heriol hwn. Mae cynlluniau Trawsnewid Trefi Llywodraeth Cymru ochr yn ochr â ffrydiau ariannu eraill wedi arwain at ddatblygu cyfres o brosiectau sydd â'r nod o gefnogi pob un o'n hardaloedd siopa wrth i ni edrych ymlaen at fesurau adfer ar ôl Covid. Mae cynlluniau eraill yn cynnwys cyflwyno 'parcdiroedd' ym Mhenarth, mesurau gwella seilwaith fel baneri, raciau beiciau a mesurau gwella gweledol yn y Barri yn ogystal â chynlluniau goleuadau a thirlunio i wella seilwaith yn y Bont-faen a Llanilltud Fawr.