Arddangosfa 'Pypedau a Narratifau Chwilfrydig' yn agor yn Oriel Gelf Ganolog

Mae arddangosfa newydd swynol wedi agor yn Oriel Gelf Ganolog yn y Barri.

• Dydd Mercher, 14 Mis Mai 2025

  Bro Morgannwg

Mae Pypedau a Narratifau Chwilfrydig yn arddangosfa fywiog a llawn dychymyg sydd ar gael i ymweld â hi tan 31 Mai 2025.

Mae'r arddangosfa yn cynnwys gwaith tri artist o Gymru — Peter Raymond, Barbara Leith, a Frankie Locke — a gyfarfu i gyd yng ngweithdai Cwmni Opera Cenedlaethol Cymru yng Nghaerdydd.

Ysbrydolwyd y pypedau a saernïwyd yn ofalus gan Peter Raymond gan chwedlau cyfoes, ac yna cafodd gwisgoedd y pypedau eu gwneud â llaw gan Barbara Leith a'u paentio gan Peter.

Mae Barbara Leith hefyd yn arddangos portreadau cymysg i gyflwyno’r ffigurau swynol mewn cypyrddau.

I ategu at y gweithiau, mae paentiadau deinamig gan y ceramegydd a'r peintiwr Frankie Locke, lle ailddychmygodd y pypedau yn olygfeydd wedi'u hanimeiddio. Gyda'i gilydd, mae gweithiau'r triawd yn creu profiad gweledol deinamig ac unedig.

Dywedodd y Cynghorydd Rhiannon Birch, Aelod Cabinet dros Addysg, y Celfyddydau a'r Iaith Gymraeg: “Rydym yn falch iawn o groesawu'r arddangosfa 'Pypedau a Narratifau Chwilfrydig' i'r Oriel Gelf Ganolog yn Llyfrgell y Barri.

“Mae'n arddangosfa ddiddorol a lliwgar sy'n dwyn ynghyd y gorau o dalent greadigol yma yn Ne Cymru.

“Hoffwn estyn diolch yn fawr i Peter, Barbara a Frankie am rannu eich gwaith hardd gyda ni.”