Ardal Chwarae Palmerston Newydd yn Agor Yn Dilyn Trawsnewidiad Mawr
Bellach gall plant a theuluoedd yn y Barri fwynhau lle chwarae newydd modern a hygyrch yn dilyn cwblhau'r gwaith adnewyddu ar parc chwarae yn Palmerston.
Mae'r prosiect, a ariennir drwy Raglen Cyfleoedd Chwarae Cymru Gyfan Llywodraeth Cymru, wedi trawsnewid y cyfleuster blaenorol yn ardal chwarae bywiog, amlswyddogaethol a gynlluniwyd ar gyfer plant rhwng un a 12 oed.
Mae'r cyfleusterau newydd yn cynnwys ystod o offer cynhwysol, gan gynnwys cylchfan hygyrch i gadeiriau olwyn, paneli chwarae synhwyraidd, fframiau dringo a siglen pum sedd. Mae'r offer yn cael ei ategu gan waith celf maes chwarae lliwgar a deniadol, gan greu gofod gwahoddiadol lle gall plant o bob gallu chwarae, archwilio a chymdeithasu gyda'i gilydd.
Ymunodd dysgwyr o Ysgol Gynradd Palmerston gerllaw â chynrychiolwyr y cyflenwr offer chwarae Kompan a'r Aelod Cabinet Cyngor Bro Morgannwg dros Leoedd Cynaliadwy y Cynghorydd Bronwen Brooks i ddathlu agoriad swyddogol y cyfleuster.
Dywedodd y Cynghorydd Bronwen Brooks, Aelod Cabinet dros Leoedd Cynaliadwy: “Rydym yn falch iawn o allu agor Parc Chwarae Palmerston newydd yn swyddogol a darparu lle cynhwysol i blant a theuluoedd lleol ei fwynhau. Mae'n sicrhau bod plant o bob oed a gallu yn cael cyfleoedd i chwarae, bod yn egnïol a threulio amser yn yr awyr agored mewn amgylchedd diogel a chroesawgar.
“Fel Cyngor, rydym wedi ymrwymo i wneud y Fro yn lle gwych i fyw, gweithio ac i ymweld ac mae'r gwaith adnewyddu hwn yn enghraifft arall o sut rydym yn creu lleoedd sy'n cefnogi cymunedau iachach a hapusach. Roedd yn hyfryd dathlu'r agoriad ochr yn ochr â disgyblion Ysgol Gynradd Palmerston a'n partneriaid prosiect — rwy'n gobeithio bod yr parc chwarae newydd yn cael ei mwynhau am flynyddoedd lawer i ddod.”
Mae'r gwaith adnewyddu yn rhan o raglen ehangach o fuddsoddi mewn mannau cyhoeddus ledled Bro Morgannwg, gan gynnwys pad sblash a pharc sglefrio wedi'i adnewyddu ym Mhencoedtre yn y Barri, gwelliannau mannau agored yn Palmerston a Heol Bendricks, adnewyddu ac ymestyn yr ardal chwarae yn Heol Cog yn Sili, a gwelliannau ym Mharc Seel yn Ninas Powys.