Siarter Gwasanaethau Cymdeithasol y Cyngor

NOD

Bydd pobl sydd angen cymorth gan y gwasanaethau cymdeithasol ac sy'n gymwys i dderbyn cymorth yn cael eu cynorthwyo i wneud yr isod:

• cynnal eu hurddas personol a hunan-barch
• cynyddu eu hanibyniaeth, dewis a rheolaeth
• aros yn ddiogel
• gwella safon eu bywyd a manteisio ar gyfleoedd
• gwella cyflwr eu hiechyd a'u lles emosiynol
• gwella eu statws economaidd
• gwneud cyfraniad positif i'r gymuned. 

Rydyn ni'n credu y dylai pobl sy'n defnyddio gwasanaethau i oedolion ddisgwyl, er enghraifft:

• gwasanaethau sy'n amddiffyn oedolion rhag cael eu cam-drin neu eu hecsploetio
• mynediad teg i wasanaethau
• gwasanaethau gofal dros dro da i osgoi mynediad diangen i'r ysbyty
• darpariaeth prydlon o gyfarpar ac addasiadau i hyrwyddo annibyniaeth a'r gallu i aros yn y gymuned
• cefnogaeth i gynhalwyr sy'n galluogi iddyn nhw barhau i gynnal y rôl allweddol hon
• cael gadael yr ysbyty cyn gynted ag y bo anghenion meddygol yn caniatáu
• lefelau digonol o ofal yn y cartref i helpu arbed mynediad i ofal preswyl
• cyfleoedd i ddatblygu sgiliau, yn enwedig i bobl sydd ag anableddau dysgu neu gorfforol, neu broblemau iechyd meddwl
• gwasanaethau wedi eu cyfuno ar draws ffiniau proffesiynol a sefydliadol
• cyfranogaeth ystyrlon wrth gynllunio gwasanaethau

Rydyn ni'n credu y dylai plant a'u teuluoedd ddisgwyl, er enghraifft:

• gwasanaethau sy'n amddiffyn plant rhag cael eu cam-drin neu eu hecsploetio 
• cymorth prydlon i arbed i blant a phobl ifanc orfod derbyn gofal dros dro diangen
• gofal o safon wrth gartrefu plant mewn gofal, a gwasanaethau ychwanegol i gyflawni eu hanghenion addysgiadol ac iechyd
• cyfleoedd am ofal hamdden a seibiant i gynorthwyo plant a phobl ifanc sydd ag anawsterau dysgu a/neu anableddau a'u teuluoedd
• gweithredu i arbed troseddu a lleihau aildroseddu gan blant a phobl ifanc
• anogaeth i gymryd rhan mewn gwneud penderfyniadau a gweithio mewn partneriaeth â'r gwasanaethau cymdeithasol.