Parc Celtic Way i gael ei adnewyddu'n helaeth
Mae Cyngor Bro Morgannwg wedi sicrhau dros £180,000 o gyllid adran 106 i wella cyfleusterau cymunedol yn Y Rhws.
Mae Parc Celtic Way wedi cael ei nodi fel ardal i’w gwella ac mae'r Cyngor yn gofyn am farn y gymuned leol er mwyn gwella'r ystod o weithgareddau awyr agored sydd ar gael yno.
Ymhlith y cynigion mae ail-ddylunio ac adnewyddu'r ardal chwarae bresennol, ychwanegu offer ffitrwydd awyr agored, lle mae seddi cymunedol newydd ac ardal picnic ar bwys y ganolfan gymunedol a gwella'r fioamrywiaeth ar y safle trwy blannu coed, ail-wylltio a dulliau eraill.
Mae ymgynghoriad cyhoeddus yn cael ei lansio heddiw, 9 Mai, am gyfnod o chwe wythnos. Yn ystod y cyfnod hwn ceisir barn trigolion, grwpiau cymunedol a disgyblion ysgol benderfynu sut y caiff cyllid adran 106 ei wario. Mae sesiwn galw heibio gymunedol wedi cael ei threfnu ar gyfer dydd Iau 15 Mehefin, rhwng 3 a 6pm yng Nghanolfan Gymunedol Celtic Way.
A community drop-in session has been arranged for Thursday 15 June, between 3 – 6pm at Celtic Way Community Centre.
Mae cyllid adran 106 wedi cael ei ddefnyddio yn ystod y blynyddoedd diwethaf i uwchraddio cyfleusterau chwarae yn Ceri Road, yn dilyn ymgynghoriad cyhoeddus i benderfynu sut y dylid gwario cyllid. Cafodd Parc Celtic Way ei nodi fel prosiect tymor hwy, unwaith y daeth rhagor o arian ar gael.
Dywedodd y Cynghorydd Ruba Sivagnanam, yr Aelod Cabinet dros Ymgysylltu, Cydraddoldeb a Gwasanaethau Rheoliadol: "Mae hwn yn gyfle gwych i breswylwyr yn y Rhws siapio'r ffordd y caiff cyfleusterau cymunedol eu datblygu a'u gwella gan ddefnyddio cyllid adran 106. Mae barn y gymuned yn hanfodol i sicrhau bod yr arian yn cael ei ddefnyddio i'r potensial llawnaf o ran darparu cyfleusterau y bydd y gymuned leol yn eu mwynhau.
"Dim ond awgrymiadau ar hyn o bryd yw'r cynigion sydd wedi'u cyflwyno gan y Cyngor a byddwn yn tyngu barn trigolion lleol sydd ar fwrdd y ffordd orau o wella'r gofod agored poblogaidd hwn."
Am ragor o wybodaeth ac i rannu eich barn ewch i: https://cymrydrhan.valeofglamorgan.gov.uk/adnewyddu-parc-celtic-way