Derbyn Plant i'r Ysgolion Cynradd

Canllaw i Rieni ar Dderbyniadau Ysgolion

Caiff derbyn plant i ysgolion cynradd ei reoli a’i weinyddu gan ‘Awdurdod Derbyn’. Ar gyfer Ysgolion Cymunedol ac Ysgolion Gwirfoddol a Reolir, Cyngor Bro Morgannwg yw’r awdurdod hwn.  Ar gyfer Ysgolion Gwirfoddol a Gynorthwyir ac Ysgolion Sefydledig, yr Awdurdod Derbyn yw’r Corff Llywodraethu.

Bydd derbyniadau i ysgolion cynradd yn cael eu cyflwyno fel arfer os nad yw rhif derbyn yr ysgol wedi’i gyrraedd. Pan fo nifer y ceisiadau ar gyfer derbyn i ysgol yn fwy na nifer y llefydd sydd ar gael, h.y. pan fo rhif derbyn wedi'i gyrraedd, bydd llefydd yn cael eu dyrannu drwy ddefnyddio meini prawf derbyn cydnabyddedig.

Trefniadau Derbyn Cydlynol

Cyflwynodd Llywodraeth Cymru ddeddfwriaeth ym mis Mehefin 2024 sy'n ei gwneud yn ofynnol i bob Awdurdod Lleol gael cynllun trefniadau derbyn cydlynol ar gyfer blwyddyn ysgol 2027/2028. Bydd cyflwyno cynllun trefniadau derbyn cydlynol ar gyfer blwyddyn academaidd 2027/2028 yn dod â'r ysgolion gwirfoddol a gynorthwyir sy'n weddill, sef Ysgol Gatholig Sain Helen ac Ysgol Gynradd Pendeulwyn yr Eglwys yng Nghymru i gynllun cydlynol gan greu system decach, fwy cydradd o ddyrannu lleoedd am nifer o resymau. Mae’r rhain yn cynnwys:

• Mae trefniadau cydlynol yn rhoi cynnig sengl am le mewn ysgol i rieni;

• Ni fyddai rhieni yn dal eu gafael ar fwy nag un lle mewn ysgol. Mae cynnig lleoedd lluosog yn gwadu lleoedd i rieni eraill, gan atal y lleoedd hynny rhag cael eu cynnig i blant eraill;

• Yn aml, mae ansicrwydd ynghylch pa ddisgyblion fydd yn cychwyn mewn ysgolion, a byddai dull cydlynol yn rhoi mwy o sicrwydd i ysgolion o ran y niferoedd a’r disgyblion fydd yn dechrau yn y dosbarth derbyn.

Hefyd gall Ysgolion Cymunedol Bro Morgannwg nawr hefyd ymgeisio am leoedd yn yr ysgolion hyn drwy ddefnyddio’r gwasanaeth ymgeisio ar-lein fel y nodir uchod. Sicrhewch eich bod wedi darllen a deall y meini prawf derbyn ar gyfer pob ysgol yr ydych yn ymgeisio amdanynt.

    •  Ysgol Gynradd All Saint's C.W

• Ysgol Gynradd yr Eglwys yng Nghymru Llansannor

• Pendoylan C/W

• Ysgol Gynradd St Andrew

• Ysgol Gynradd St Helens R.C

• Ysgol Gynradd yr Eglwys yng Nghymru Saint y Brid

• Ysgol Gynradd yr Eglwys yng Nghymru Dewi Sant

• Ysgol Gynradd Gatholig Sant Joseph's R.C

• Eglwys yng Nghymru Y Wig a Marcroes

Gwirio Dalgylch eich Ysgol

O fewn y Cyngor, mae gan bob ysgol ardal y maent yn draddodiadol yn gwasanaethu o'r enw Dalgylch Ysgol.

Gwirio dalgylch eich ysgol drwy ddefnyddio eich cod post: 

Mae gofyn i rieni ddweud pa ysgol yr hoffent i’w plentyn fynd iddi, hyd yn oed os mai ysgol y dalgylch yw hi. Oherwydd hyn, ni fydd hawl awtomatig gan ddisgyblion sy’n byw mewn dalgylch a ddiffiniwyd i fynd i’r ysgol honno. Rhaid cyflwyno cais ffurfiol.

Nodwch: Gallai methiant i wneud cais erbyn y dyddiad cau olygu gwrthod cais rhai rhieni / cynhalwyr am le yn yr ysgol leol /ddethol. Os bydd y galw’n uwch na’r nifer o leoedd sydd ar gael, bydd blaenoriaeth i blant y dalgylch bob tro. Fodd bynnag, nid oes gwarant y caiff plentyn fynd i’r ysgol ddethol.