Cartrefi Gwag

Mae Llywodraeth Cymru ac Awdurdodau Lleol yn diffinio cartref gwag fel annedd sydd wedi bod yn wag am chwe mis neu fwy.

Gall fod nifer o resymau pam mae eiddo yn wag ac mae Cyngor Bro Morgannwg yn ymrwymedig i weithio gyda pherchnogion i ddod o hyd i atebion i ailddefnyddio cartrefi gwag.

Cartref Gwag banner

Mae eiddo gwag hirdymor fel arfer yn hawdd ei nodi gan ei fod o bosib wedi’i esgeuluso neu mewn cyflwr gwael iawn. Gall rhai arwyddion amlwg gynnwys:

Llawer iawn o lythyron heb eu casglu yn cronni y tu fewn i’r drws ffrynt
Gardd yn tyfu’n wyllt neu wastraff yn cael ei adael neu’n cronni yn yr eiddo
Arwyddion o gyflwr gwaith a difrod allanol e.e. ffenestri wedi torri, to wedi torri
Eiddo wedi’i orchuddio gan bren

Gellir ailddefnyddio cartref gwag drwy werthu neu rentu’r eiddo. Mae Cyngor Bro Morgannwg yn cynnig nifer o fentrau i gefnogi perchnogion i ailddefnyddio’r cartrefi gwag hyn a gall roi cyngor neu gymorth i chi wrth wneud hyn.

Benthyciadau Eiddo Gwag Di-Log

Mae Benthyciadau Eiddo gwag yn fenthyciadau di-log sydd ar gael er mwyn galluogi adfywio a gwella eiddo unigol neu drosi eiddo gwag yn nifer o unedau, fel eu bod yn addas i’w defnyddio fel llety preswyl.

Ceir dau fath o Fenthyciadau Eiddo Gwag: Benthyciadau Landlordiaid a Benthyciadau Perchen-feddianwyr Eiddo Gwag.

Benthyciadau Eiddo Gwag Di-Log Benthyciadau Tai

Gostyngiadau TAW i gartrefi gwag

Os ydych yn bwriadu ailddefnyddio eiddo gwag nad oes unrhyw un wedi byw ynddo yn ystod y 2 flynedd cyn i’ch gwaith gychwyn, ac sy’n eiddo yr ydych yn bwriadu ei ddefnyddio at ‘ddiben preswyl perthnasol’ yn unig, gallwch fod yn gymwys am gyfradd TAW ostyngedig.

Gostyngiadau TAW i gartrefi gwag

Rhentu Doeth Cymru

Dan Ddeddf Tai (Cymru) 2014, mae rhwymedigaethau cyfreithiol newydd ar landlordiaid sydd ag eiddo rhent yng Nghymru. Mae gwefan Rhentu Doeth Cymru -www.rhentudoeth.llyw.cymru - yn esbonio’r rhwymedigaethau hyn a bydd yn eich helpu chi i ddeall y broses.

Cofrestru Landlordiaid: Mae hi’n ofynnol i unrhyw landlord sydd ag eiddo rhent yng Nghymru a rentir ar denantiaeth sicr, tenantiaeth byrddaliad sicr neu denantiaeth reoleiddiedig, gofrestru.

Trwyddedu Landlordiaid: Nid oes angen trwydded ar landlordiaid nad ydynt yn rhan o’r gwaith o sefydlu tenantiaethau a rheoli eu heiddo rhent; fodd bynnag mae’n rhaid iddynt ddefnyddio asiant trwyddedig a chofrestru fel landlord gan ddatgan eu hasiant wrth gofrestru.

Rhentu Doeth Cymru

Dewisiadau Rhentu

Mae yna amrywiaeth o ddewisiadau rhentu ar gael

Prydlesu neu osod eich eiddo drwy Landlord Cymdeithasol Cofrestredig
Dewisiadau tai a rhentu drwy Gyngor Bro Morgannwg
Rhentu eich eiddo drwy asiantaeth gosod tai preifat

Dewisiadau Rhentu

Dewisiadau Gwerthu

Os ydych yn berchen ar eiddo sy’n wag ar hyn o bryd a’ch bod chi eisiau ei werthu, gallwch roi gwybod i’r Swyddog Cartrefi Gwag a Benthyciadau a bydd manylion am yr eiddo yn cael eu hanfon at Gyngor Bro Morgannwg (tîm Tai) a’r Landlordiaid Cymdeithasol Cofrestredig partner a allai fod â diddordeb mewn prynu eiddo gwag a/neu dir.

Hefyd, mae gan y Cyngor restr o fuddsoddwyr a landlordiaid preifat a all fod â diddordeb mewn prynu eiddo gwag a gallwn sicrhau bod manylion eich eiddo yn cael eu cylchredeg i bartïon â diddordeb.

Dewisiadau Gwerthu

Camau Gorfodi

Mae Cyngor Bro Morgannwg yn rhagweithiol i ailddefnyddio eiddo gwag. Dymunwn weithio gyda pherchnogion eiddo gwag er budd y gymuned. Pan gydnabyddir bod eiddo gwag yn anniogel, yn achosi niwsans neu wedi’i adael yn adfail, bydd swyddog yn ymweld â’r eiddo i bennu’r camau angenrheidiol.

Lle y bo’n bosibl, bydd y swyddog yn ceisio gweithio gyda pherchnogion i ganfod yr ateb gorau er mwyn ailddefnyddio eiddo gwag eto.

Camau Gorfodi Polisi Gwerthu Gorfodol