Cwestiynau Cyffredin am Ffioedd Parcio

Mae Cyngor Bro Morgannwg ar fin cyflwyno taliadau mewn nifer o'i feysydd parcio cyrchfannau ac ar y stryd mewn ardaloedd o Ynys y Barri a Glan Môr Penarth i reoli tagfeydd a chreu incwm i gefnogi gwasanaethau hanfodol yn y lleoliadau hyn.

Ble mae taliadau parcio newydd yn cael eu cyflwyno?

Bydd yn rhaid i ymwelwyr dalu i barcio eu ceir ym meysydd parcio The Knap a Bron y Mor yn y Barri, maes parcio Cliff Walk ym Mhenarth, a meysydd parcio Portabello a Westfarm yn Ogwr. Bydd taliadau parcio ar y stryd hefyd yn cael eu cyflwyno yn Ynys y Barri ac Esplanâd Penarth er mwyn gwneud yr ardaloedd hyn yn gyson â'r meysydd parcio gerllaw.

Bydd taliadau parcio yn dechrau am £2 am ddwy awr.

Pam mae'r taliadau hyn yn cael eu cyflwyno?

Rhaid i'r Cyngor wneud £7.8m mewn arbedion eleni. Ein strategaeth gyllidebol yw diogelu gwariant ar ysgolion a gofal cymdeithasol a dod o hyd i ffyrdd newydd o dalu am gost darparu gwasanaethau eraill.

Gallai'r newidiadau hyn i barcio ceir, ynghyd â'r posibilrwydd o gau cyfleuster aml-lawr Heol y Llys, gynhyrchu £500,000 y flwyddyn a helpu i fynd i'r afael â diffyg sylweddol yn y gyllideb, ac ar yr un pryd helpu i ofalu am ardaloedd cyrchfan sy'n hoff iawn ohonynt.

Mae llawer o drefi arfordirol eraill yn rheoli'r gost o gynnal eu cyrchfannau yn y modd hwn.

Pwy fydd yn gorfod talu i barcio?

Bydd taliadau parcio yn berthnasol i bawb, ond y prif nod yw sicrhau bod ymwelwyr â'r Fro yn helpu i gyfrannu at gynnal a chadw'r ardaloedd hyn.

Dim ond rhwng 10am — 6pm y bydd taliadau parcio ar y stryd yn berthnasol felly bydd parcio yn parhau'n rhad ac am ddim i'r rhai sy'n ymweld yn gynnar yn y bore neu gyda'r nos.

Mae trwyddedau parcio arfordirol hefyd ar gael am gost o £60 am chwe mis a £100am flwyddyn. Mae'r trwyddedau parcio hyn yn helpu ymwelwyr rheolaidd, gan gynnwys trigolion lleol a'r rhai sy'n gweithio gerllaw, gael mynediad i'n meysydd parcio am gost gymharol isel.

 
Pam mae maes parcio Heol y Llys ar gau?

Mae maes parcio Court Road yn ddrud iawn i'w gynnal. Gyda phwysau enfawr ar gyllideb y Cyngor ni allwn fforddio cwrdd â'r rhain mwyach.

Mae maes parcio Court Road yn costio tua £89,000 i'w gynnal bob blwyddyn. Yn ogystal â hyn nododd archwiliad strwythurol diweddar bod angen gwelliannau o £247,000 y bydd angen eu gwneud yn y blynyddoedd nesaf er mwyn cadw'r maes parcio'n ddiogel.

Mae taliadau parcio ceir yn cael eu cyflwyno mewn rhai meysydd parcio yn y Fro i dalu am gost eu rheoli. Oherwydd y symiau o arian sydd eu hangen i redeg Court Road nid yw hwn yn opsiwn ymarferol ar gyfer y maes parcio hwn.

Ble bydd pobl yn gallu parcio yng nghanol tref y Barri?

Mae meysydd parcio Kendrick Road, Thompson Street, a Wyndham Street i gyd yn darparu parcio fforddiadwy i siopwyr yng nghanol y dref. Mae lleoedd parcio am ddim hefyd ar Stryd Wyndam, Heol Holton a Thompson Street.

Mae trafnidiaeth gyhoeddus hefyd yn gwasanaethu canol tref y Barri. Mae yna nifer o lwybrau bysiau sy'n gwasanaethu Stryd Wyndham, gan gynnwys y 88, 93, 94, 95, 100, 304, B1, B2, a B3. Mae'r gwasanaethau hyn yn cysylltu'r Barri, Penarth, Dinas Powys, Sili, Llandochau, a Chaerdydd.

Oni fydd hyn yn achosi i fwy o bobl barcio mewn ardaloedd preswyl yn y Barri a Phenarth?

Mae nifer o gyfyngiadau parcio eisoes ar waith yn yr ardaloedd preswyl o amgylch Ynys y Barri a glan môr Penarth er mwyn sicrhau bod modd i drigolion barcio ger eu cartrefi.
 
Bydd cyfyngiadau parcio yng Nglannau y Barri yn cael eu hymestyn yn gynnar eleni er mwyn helpu i atal a gor-ollwng o'r gyrchfan.
 
Bydd parcio ar y stryd yn y Barri a Phenarth yn parhau i gael ei fonitro a gellir dod â chyfyngiadau ychwanegol i mewn os oes angen.