Y Prosiect fel ag y mae

Disgwylir i'r gwaith o sefydlu'r Llwybr Rhanbarthol hwn gael ei weithredu rhwng 2020-2023 ac mae wedi derbyn cyllid llawn gan grant ENRaW am y tro hwn, gyda chyllideb refeniw o £1,038,372.00.

Gyda'r adnoddau hyn, bydd y prosiect yn gosod y sylfeini ar gyfer llwybr rhanbarthol allweddol yng Nghymru, gan roi llwybrau beicio a marchogaeth ceffylau pellter hir i ymwelwyr, pobl leol a'r cyhoedd yng Nghymru o fewn ffiniau de Cymru.

Nodau allweddl

Nodau allweddl y cyfnod hwn yw:

• Sefydlu bod llwybr rhanbarthol newydd yn bodoli, gan osod y sylfeini cychwynnol drwy gyfuniad o welliannau i lwybrau, ehangu llwybrau a chreu llwybrau a llwybrau ceffylau newydd.

• Hyrwyddo  defnyddio'r llwybr ar draws y rhanbarth ac annog cydweithio â grwpiau defnyddwyr lleol er mwyn helpu i gyflwyno'r llwybrau a'u cynaliadwyedd wedyn.

• Sicrhau cefnogaeth grwpiau cadwraeth a chymunedol i fanteisio i'r eithaf ar gyfleoedd i drawsnewid llwybrau gwyrdd yn goridorau bywyd gwyllt ledled y rhanbarth.

•  

  Cynllunio ac asesu'r gallu i gael cyfleuster porth Parc Beicio yng Nghoed Lecwydd i gynnig troedle i ymwelwyr â'r llwybr. Mae cynlluniau ar gyfer Parc Ceffylau yn y dyfodol hefyd, ac ar hyn o bryd rydym yn asesu hyfywedd hyn rywle ar hyd y llwybr.

Drwy'r nodau hyn, gobeithiwn sicrhau mwy o amrywiaeth amgylcheddol yn y rhanbarth, gwell llwybrau a chreu llwybrau i drigolion lleol, hwb economaidd yn sgil mwy o dwristiaid a rhwydwaith mwy diogel o lwybrau ceffylau a fydd yn lleihau’n sylweddol ddamweiniau ar y ffyrdd sy'n ymwneud â beicwyr a marchogion.

Bydd hyrwyddo'r llwybr a chydweithredu â'n partneriaid yn helpu i sicrhau cyllid ychwanegol, gan sicrhau bod y prosiect yn cael ei gwblhau i safon Genedlaethol, yn mynd i'r afael â'r diffyg llwybrau oddi ar y ffordd yn y rhanbarth a chysylltu llwybrau cysylltiedig gan roi cyfanswm o 262km o lwybrau ceffylau nas ceir yn unman arall ar draws de Cymru.

Ein Partneriaid

Mae nifer o Randdeiliaid a grwpiau allweddol wedi ffurfio partneriaeth â ni er mwyn ein helpu i gyflawni'r prosiect i'r safonau ansawdd uchaf.

Mae llawer yn rhannu nodau cyffredin gyda ni o ran mynediad cyhoeddus i gefn gwlad a'r gwelliannau y bydd y prosiect yn eu cyflwyno i gymunedau beicio a  marchogaeth. Mae pum Cyngor Sir y Fro, Pen-y-bont ar Ogwr, Merthyr, Caerdydd a Rhondda Cynon Taf yn helpu i gefnogi'r prosiect o fewn eu siroedd, ond mae nifer o sefydliadau allanol sydd â buddiannau yn y cynllun sydd wedi partneru er mwyn sicrhau llwyddiant y prosiect.

• Cymdeithas Ceffylau Prydain (BHS)

  Nod y BHS yw diogelu a hyrwyddo buddiannau pob ceffyl a'r rhai sy'n poeni amdanynt, yn eu cadw a'u marchogaeth.

• Sustrans 

  Gan ganolbwyntio ar iechyd a hapusrwydd pobl, mae Sustrans yn gweithio i wella cyfleoedd a'i gwneud yn haws cerdded a beicio ledled y Deyrnas Gyfunol.

• Sefydliad Twristiaeth Antur Cymru (WATO) 

  Mae WATO yn cysylltu sefydliadau presennol yn y sector awyr agored ledled Cymru, gan rannu eu canfyddiadau i sefydlu arfer gorau ledled y wlad. 

• Cycling UK 

  Eu nod yw sicrhau bod pobl o bob oed, cefndir a gallu yn gallu beicio'n ddiogel, yn hawdd a chael pleser.

• Ymddiriedolaeth Bywyd Gwyllt De a Gorllewin Cymru 

  Yn canolbwyntio ar sefyll dros fywyd gwyllt, eu cenhadaeth yw ailadeiladu bioamrywiaeth ac ymgysylltu pobl â'u hamgylchedd drwy greu a gwella cynefinoedd bywyd gwyllt o fewn a thu allan i warchodfeydd natur.

• Cyngor Sir Bro Morgannwg (CS) 

  Mae'r cyngor hwn yn helpu i ddatblygu'r llwybrau ceffylau yn eu sir.  Mae'r map isod yn dangos y newidiadau sydd i'w gwneud i'r rhanbarth er mwyn datblygu mwy o gysylltiadau a llwybrau i bobl leol ac ymwelwyr â’r rhanbarth. 

   

  

• Cyngor Sir Caerdydd (CS) 

  Mae'r cyngor hwn yn helpu i ddatblygu'r llwybrau ceffylau yn ei sir.  Mae'r map isod yn dangos y newidiadau sydd i'w gwneud i'r rhanbarth er mwyn datblygu mwy o gysylltiadau a llwybrau i bobl leol ac ymwelwyr â’r rhanbarth. 

   

  

• Cyngor Bwrdeistref Sirol Pen-y-bont ar Ogwr (CS) 

  Mae'r cyngor hwn yn helpu i ddatblygu'r llwybrau ceffylau yn ei sir.  Mae'r map isod yn dangos y newidiadau sydd i'w gwneud i'r rhanbarth er mwyn datblygu mwy o gysylltiadau a llwybrau i bobl leol ac ymwelwyr â’r rhanbarth. 

   

  

• Cyngor Bwrdeistref Sirol Merthyr Tudful (CS) 

  Mae'r cyngor hwn yn helpu i ddatblygu'r llwybrau ceffylau yn ei sir.  Mae'r map isod yn dangos y newidiadau sydd i'w gwneud i'r rhanbarth er mwyn datblygu mwy o gysylltiadau a llwybrau i bobl leol ac ymwelwyr â’r rhanbarth. 

   

  

• Cyngor Sir Rhondda Cynon Taf (CS) 

  Mae'r cyngor hwn yn helpu i ddatblygu'r llwybrau ceffylau yn ei sir.  Mae'r map isod yn dangos y newidiadau sydd i'w gwneud i'r rhanbarth er mwyn datblygu mwy o gysylltiadau a llwybrau i bobl leol ac ymwelwyr â’r rhanbarth.