Camau nesaf:
Mae'r ymchwiliad Adran 19 ar gyfer Sili wedi nodi fod 18 eiddo wedi ei affeithio gan lifogydd dwr wyneb ar 23ain Rhagfyr 2020. Mae Cyngor Bro Morgannwg wedi sicrhau cyllid o £149,270 i ddarparu mesurau amddiffyn llifogydd ar lefel adeilad i 21 eiddo yn Sili.
Mae arolygu ar eiddo yn parhau a drefnwyd i osod yn y 6 mis nesaf.
Tra bydd hwn yn amddiffyn yr eiddo unigol, ni fydd yn helpu rhwystro unrhyw effaith ehangach o ganlyniad i lifogydd o erddi, tai allan neu ffyrdd. Gan hynny, bwriadir y Prif Awdurdod Llifogydd Lleol asesu posibilrwydd o gynlyn lefel cymunedol i reoli'r risg o lifogydd dwr wyneb yn yr ardal gan ddechrau drwy gyflwyno cais at Lywodraeth Cymru am gyllid i ddatblygu adroddiad busnes amlinellol. Bydd datblygu adroddiad busnes amlinellol yn gofyn am fodeli manylach o’r risg llifogydd presennol a’r difrod posib , a hefyd asesiad o’r opsiynau gan gynnwys ardaloedd storfa llifogydd neu uwchraddio adeiledd presennol a’r costau cysylltiedig.
Mae’r raddfa amser ar gyfer gwaith materol yn ddibynnol ar leoliad a’r math o waith gan gynnwys y broses o sicrhau’r cyllid angenrheidiol a’r caniatâd.
Yn amodol â chynnig llwyddiannus i Lywodraeth Cymru am Gymorth Amddiffyn rhag Llifogydd, disgwylir bydd y paratoi o’r adroddiad busnes amlinellol yn cychwyn ym mis Ebrill 2022, gyda graddfa amser i’w gwblhau o 6 mis.
Nododd ymchwiliad Adran 19 ar gyfer Dinas Powys 98 eiddo a gafodd eu heffeithio gan lifogydd mewnol ar 23 Rhagfyr 2020 ac un o'r argymhellion allweddol oedd i ystyried ymarferoldeb mesurau Gwydnwch Llifogydd Eiddo (PFR) ar gyfer eiddo mewn perygl ledled Dinas Powys. Ers digwyddiad 2020 mae Bro Morgannwg wedi datblygu achos busnes a wedi sicrhau cymorth grant o £2.5M gan Lywodraeth Cymru ar gyfer gosod PFR mewn 181 eiddo. Mae’r gwaith o gaffael y contract gosod PFR yn parhau, a disgwylir dyfarniad ym mis Ebrill 2023 yn amodol ar gymeradwyaeth cyllid Llywodraeth Cymru, a rhagwelir rhaglen waith 9 mis o hyd.