Cyngor Bro Morgannwg
Vale of Glamorgan Council
Cost of Living Support Icon
​

Trais yn erbyn Menywod, Cam-drin Domestig a Thrais Rhywiol

Ymwybyddiaeth, cefnogaeth ac arweiniad sy'n canolbwyntio ar gamdriniaeth

Cymorth

  • Gwasanaeth Cam-drin Domestig y Fro (Bro Morgannwg)

    Mae Gwasanaeth Cam-drin Domestig y Fro yn gweithio'n galed i ddiwallu anghenion cymunedol. Eu nod yw bod y brif gefnogaeth i'r rhai y mae cam-drin domestig a thrais rhywiol yn effeithio arnyn nhw ym Mro Morgannwg. 

     

    • 01446 744 755 (Dydd Llun - Dydd Gwener, 9am - 4:30pm)
  • Byw Heb Ofn

    Mae Llinell Gymorth Cam-drin Domestig Cymru Gyfan yn darparu cymorth cyfrinachol am ddim. Maen nhw’n cynnig gwybodaeth, gwasanaethau allgymorth, addysg, a llety brys dros dro i unrhyw un sy'n wynebu cam-drin domestig.

     

    • 0808 80 10 800 (24/7)
  • BAWSO

    Wedi'i sefydlu ym 1995, mae BAWSO yn helpu dioddefwyr sy’n bobl ddu ac o leiafrifoedd ethnig a mudol. Maen nhw’n darparu cymorth ymarferol ac emosiynol ar gyfer cam-drin domestig, trais rhywiol, priodas dan orfod, a mwy.

     

    • 0800 731 8147 (24/7)
  • Clinig Atgyfeirio Ymosodiadau Rhywiol

    Mae Ynys Saff, sydd wedi'i lleoli yng Nghaerdydd, yn cefnogi unrhyw un sydd wedi profi ymosodiad rhywiol. Maen nhw’n darparu ar gyfer dynion, menywod, pobl ifanc a phlant, gan gynnig man diogel i fynd i'r afael ag anghenion unigol.

     

    • 029 2033 5795 (9am - 5pm)

     

  • Prosiect Dyn De Cymru

    The Dyn Project supports heterosexual, gay, bisexual, and trans men facing domestic abuse. Their helpline lets you speak confidentially and receive support without judgment.

     

    • 0808 801 0321 (9am - 5pm)
  • Heddlu De Cymru

    101 neu 999* Mae Heddlu De Cymru yn ymchwilio i achosion o drais domestig i helpu dioddefwyr. Mae ganddyn nhw staff arbenigol i sicrhau diogelwch dioddefwyr ac yn gweithio'n agos gyda phartneriaid i gefnogi'r rhai sydd mewn angen fwyaf.

     

    *Ffoniwch 999 dim ond pan fo’r canlynol yn wir:

     

    • Mae perygl i fywyd neu risg o anaf.

    • Mae trosedd ar y gweill.

    • Mae angen presenoldeb yr heddlu ar unwaith i atal achos o dorri’r heddwch

Cymorth i ddynion

Mae cam-drin domestig yn ymwneud â phŵer a rheolaeth un person dros un arall, a gall ddigwydd i unrhyw un.

 

Mae Prosiect Dyn Cymru Ddiogelach yn cynnig cymorth i ddynion heterorywiol, hoyw, deurywiol a thrawsrywiol sy’n dioddef o gam-drin domestig gan bartner.

 

Maen nhw’n darparu cymorth a chefnogaeth gyfrinachol i ddynion y mae cam-drin domestig yn effeithio arnyn nhw i ddod o hyd i'r gwasanaethau gorau sydd ar gael yn eu hardal leol. Mae hyn yn cynnwys cynllunio diogelwch, cyfeirio i wasanaethau ledled Cymru, cyngor a chymorth emosiynol.

 

Gofynnwch am help nawr

 

Ffoniwch Linell Gymorth Dyn Cymru am gymorth a chyngor ar 0808 801 0321 (ar agor o ddydd Llun i ddydd Gwener 9am–5pm), neu e-bost i:

Dyn@saferwales.com

 

Am gymorth 24 awr, ffoniwch y Llinell Gymorth Byw Heb Ofn ar 0808 80 10 800.

Mathau o Gam-drin

Adnoddau Eraill