Swyddi Llywodraethwyr Awdurdod Lleol (ALl) - Haf 2025

Mae Cyngor Bro Morgannwg yn gwahodd Ymgeiswyr sy'n dymuno cael eu hystyried ar gyfer swyddi gwag presennol fel llywodraethwyr ysgol Awdurdod Lleol (ALl).

Gwahoddir ceisiadau oddi wrth y rhai yr hoffent gael eu hystyried ar gyfer y swyddi presennol i lywodraethwyr ysgol yr Awdurdod Lleol (ALl).  Bydd y Panel Penodi Llywodraethwyr ALl yn ystyried y ceisiadau ar sail y cyfraniad y mae modd i ymgeiswyr ei wneud i ysgol o ran eu sgiliau a'u profiad.

 Mae'r ffactorau i'w hystyried yn cynnwys: -

• Profiad fel llywodraethwr ysgol effeithiol wedi ei fesur o ran meddu ar sgiliau, gwybodaeth a phrofiad perthnasol gan gynnwys sgiliau sy'n cyd-fynd â heriau'r ysgol unigol.
• Y cyfraniad a wneir yn ystod cyfnod yn y swydd a phresenoldeb rheolaidd.
• Awydd gwirioneddol i helpu i wella safonau addysg o fewn yr ysgol mewn partneriaeth â'r pennaeth a gweddill y corff llywodraethu.
• Gwybodaeth a diddordeb yn y gymuned y mae'r ysgol wedi'i lleoli ynddi.
• Gwybodaeth am faterion addysg fodern.
• Ymrwymiad i fynychu cyfarfodydd corff llywodraethu llawn yn rheolaidd yn ogystal â chyfarfodydd unrhyw bwyllgorau o'r corff llywodraethu y maent yn cael eu hethol iddynt.
• Ymrwymiad i fynychu cyrsiau hyfforddi llywodraethwyr i ddiweddaru eu sgiliau a'u gwybodaeth i wella eu gallu a'u heffeithiolrwydd fel llywodraethwr.

Nid oes unrhyw swyddi gwag ar hyn o bryd

Swyddi eraill

Os ydych yn teimlo y gallech fodloni’r meini prawf uchod ac os oes gennych chi ddiddordeb mewn cael eich ystyried ar gyfer swydd llywodraethwr yn un o’r ysgolion uchod, cysylltwch â'r Uned Cefnogi Llywodraethwyr drwy e-bost yn governors@valeofglamorgan.gov.uk neu ffoniwch 01446 709125 (llinell uniongyrchol).