Achos Sion Corn

Ers lansio yn 2022, mae Achos Siôn Corn wedi darparu miloedd o anrhegion i blant a theuluoedd a gefnogir gan ein timau Gwasanaethau Cymdeithasol a allai fel arall fod wedi mynd hebddynt. Ni fyddai dim o hyn wedi bod yn bosibl heb haelioni pobl a busnesau lleol. 
 
Eleni, ein nod yw codi digon i sicrhau bod pob plentyn a gefnogir gan ein timau yn derbyn anrheg i'w hagor ar Ddydd Nadolig. Fel bob amser, bydd ein gweithwyr cymdeithasol yn rhoi gwybod i ni beth mae'r plant yn gobeithio y bydd Siôn Corn yn dod â nhw, a byddwn yn gwneud ein gorau glas i greu bagiau anrhegion unigol wedi'u teilwra i'w dymuniadau i gadw'r hud yn fyw. 
 
Dysgwch sut y gallwch chi gymryd rhan gydag Achos Siôn Corn eleni:

Cyfrannu arian

Rydym yn gwneud ein gorau i roi rhywbeth i bob plentyn y gwyddom y byddant yn ei garu. I wneud hynny, bob blwyddyn rydym yn gofyn i'n tîm Gwasanaethau Cymdeithasol ddweud wrthym beth allai fod ar restr Nadolig pob plentyn. Mae rhoddion ariannol yn golygu y gallwn siopa am yr union beth mae'r plentyn hwnnw eisiau dod o hyd iddo o dan ei goeden Nadolig.

Gwnewch gyfraniad

Busnesau a sefydliadau

Os ydych yn fusnes neu'n sefydliad a hoffai gefnogi'r ymgyrch, cysylltwch â ni drwy e-bostio santascause@valeofglamorgan.gov.uk.
 
Bydd eich cyfraniad yn cael ei gydnabod yn gyhoeddus drwy sianeli cyfryngau cymdeithasol y Cyngor ac yn y wasg leol a byddem yn falch iawn o'ch croesawu i'r Swyddfeydd Dinesig i dderbyn ein diolch yn bersonol.