Cyngor Bro Morgannwg
Vale of Glamorgan Council
Cost of Living Support Icon
​

Cynllun Datblygu Lleol Newydd

Mae angen adolygu Cynlluniau Datblygu Lleol (CDLlau) o leiaf bob pedair blynedd er mwyn sicrhau eu bod yn gyfredol.

 

Fe adolygom ni ein CDLl fis Mehefin 2021 a chyhoeddi Adroddiad Adolygu CDLl. Argymhellodd yr adroddiad y dylid paratoi CDLlN ar gyfer y cyfnod rhwng 2021 a 2036. Fe wnaethom hefyd gyhoeddi Cytundeb Cyflawni CDLlN sy'n nodi'r prosesau, yr adnoddau a'r amserlenni sy'n gysylltiedig â pharatoi'r CDLlN. Gallwch weld y dogfennau hyn ar-lein, neu weld copi caled yn y Swyddfeydd Dinesig neu llyfrgelloedd a reolir gan Fro Morgannwg.

 

Rydym nawr yn gweithio ar y CDLlN a fydd yn helpu i siapio Bro Morgannwg am y 15 mlynedd nesaf. Bydd yn ein helpu i benderfynu pa ddatblygiadau fydd ac na fydd yn cael eu caniatáu mewn gwahanol leoliadau, ac yn tynnu sylw at feysydd y mae angen i ni eu gwarchod.

 

Mae Llywodraeth Cymru wedi cyhoeddi canllaw cymunedol i gynlluniau datblygu. Mae'r canllaw hwn yn cwmpasu'r system gynlluniau datblygu, sut mae cynlluniau'n cael eu paratoi, a sut y gallwch chi gymryd rhan yn y broses.

 

RLDP Overview Timescale

Trosolwg ac amserlen y CDLlN

Candidate Sites

Safleoedd Ymgeisiol

Evidence Base

Sylfaen Dystiolaeth

 

Ymgynghoriad ar Twf Tai yn y Barri

Cyn bo hir bydd y Cyngor yn ymgynghori ar gynigion ar gyfer safleoedd tai posibl yn ardal y Barri fel rhan o'r Cynllun Datblygu Lleol Amnewid.


Cynhelir ymgynghoriad cyhoeddus anffurfiol rhwng dydd Llun 16eg Mehefin 2025 a dydd Llun 14eg Gorffennaf 2025. 


Cynhelir digwyddiad ymgynghori cyhoeddus galw heibio yng Nghlwb Bowlio Millwood, Heol Pontypridd, Y Barri, CF62 7LX ddydd Mawrth 24ain Mehefin 2025 rhwng 3pm a 7pm.


Bydd yr ymgynghoriad yn mynd yn fyw ar y porth ymgynghori o 16 Mehefin 2025 

 

Ymgynghoriadau CDLl

 

Gweithdai creu lleoedd

Ar y 30ain o Fedi 2024 cafodd Adroddiad Ymgynghori Cychwynnol y CDLl ei ystyried a'i gytuno mewn cyfarfod o'r Cyngor Llawn. Wrth gytuno ar yr Adroddiad Ymgynghori Cychwynnol, cymeradwyodd y Cyngor Llawn y camau gweithredu a nodir yn y ddogfen a rhoddodd gymeradwyaeth i ddefnyddio'r Strategaeth a Ffefrir fel sail ar gyfer symud ymlaen i gam nesaf paratoi'r CDLl, sef y Cynllun Adnau.

Roedd yr Adroddiad Ymgynghori Cychwynnol yn cynnwys ymrwymiad i ofyn i hyrwyddwyr y safle ymgymryd ag ymgysylltu anffurfiol ar greu lleoedd gyda chymunedau lleol er mwyn llywio prif gynllunio'r safleoedd hyn.

Cynhaliwyd digwyddiadau creu lleoedd mewn perthynas â'r safleoedd allweddol yn Sain Tathan, Dinas Powys a'r Rhws ym mis Hydref 2024. Gellir dod o hyd i'r wybodaeth ymgynghori a gyflwynwyd yn y digwyddiadau hyn yma:

Bydd adroddiad yn manylu ar y sylwadau a dderbyniwyd yn ystod y digwyddiadau creu lleoedd a sut y bydd y rhain yn cael sylw yn cael ei gyhoeddi ochr yn ochr â'r CDLl Adnau. 

 

Cofrestru ar gyfer diweddariadau ar y CDLlN

I dderbyn diweddariadau CDLlN a manylion yr ymgynghoriadau presennol, cofrestrwch isod:

 

Cofrestru ar gyfer diweddariadau ar y CDLlN

 

Bydd yr holl fanylion a roddir yn cael eu cadw ar ein cronfa ddata ymgynghori gydol y broses o baratoi'r cynllun.

 

Fodd bynnag, caiff unrhyw wybodaeth a roddir ei chadw'n ddiogel a'i chadw yn unol â pholisi cadw data Cyngor Bro Morgannwg oni bai bod angen ei chadw dan sail gyfreithlon arall. Gweld Polisi Preifatrwydd Bro Morgannwg. Mae copïau papur o'r Polisi Preifatrwydd hefyd ar gael ar gais.

 

I ddad-danysgrifio e-bostiwch ldp@valeofglamorgan.gov.uk.