Cyngor Bro Morgannwg
Vale of Glamorgan Council
Cost of Living Support Icon
​

Trafnidiaeth Ysgol

Diweddariad Pas Digidol BusBuddie

Diolch i bob teulu sydd wedi cofrestru ar gyfer ap BusBuddie ac wedi cefnogi cyflwyno'r system drafnidiaeth ysgol ddigidol newydd.

Mae'r tîm yn parhau i weithio gyda'r darparwr app i ddatrys y materion technegol sydd wedi effeithio ar y gwasanaeth. Er mwyn sicrhau bod pob disgybl cymwys yn gallu teithio o ddechrau'r tymor, bydd tocynnau bws printiedig yn cael eu cyhoeddi i bob disgybl cymwys, bydd y rhain yn cael eu derbyn yn y post cyn dechrau'r tymor.

Unwaith y bydd ap BusBuddie yn gwbl weithredol, bydd gofyn i rieni a gofalwyr sy'n dymuno cymryd rhan yn y cynllun tocyn digidol gofrestru a gwneud cais am docyn digidol. Bydd tocynnau corfforol yn parhau i fod ar gael i'r rhai nad ydynt yn dymuno defnyddio tocyn digidol. Bydd rhagor o wybodaeth a manylion am gais yn cael eu darparu pan fydd y system ar gael.

Gall teuluoedd sydd eisoes wedi cofrestru'n llwyddiannus ddefnyddio'r ap fel arfer unwaith y bydd yn ôl ar waith.

Tan hynny, mae'n ofynnol i ddisgyblion ddefnyddio eu tocyn corfforol wrth deithio ar drafnidiaeth ysgol. Mae'r tocyn printiedig yn cynnwys cod QR y mae angen ei sganio pan fydd disgyblion yn byrddio eu bws ysgol. 

 

Mae ceisiadau i brynu Pas Bws Ysgol ar hyn o bryd ddim ar gael.
Children-Leaving-School

 

Mae gan Awdurdodau Addysg Lleol ddyletswydd statudol i ddarparu cludiant ysgol am ddim i ddisgyblion o oedran ysgol statudol sy'n preswylio y tu hwnt i bellter cerdded i'r ysgol briodol agosaf.  

 

Nid yw'r Cyngor yn darparu cludiant ysgol am ddim i blant oedran meithrin heblaw rhai sydd â Datganiad o Anghenion Dysgu Ychwanegol (ADY).  

 

Mae gan Gyngor Bro Morgannwg bolisi dewisol sy'n darparu cymorth ariannol tuag at deithio i'r coleg ac oddi yno.

Trafnidiaeth Coleg: Teithio myfyrwyr addysg bellach i bobl ifanc 16/19 oed

 

Os yw'ch plentyn yn gymwys i gael cludiant am ddim i'r ysgol, fel arfer bydd sedd yn cael ei neilltuo ar gerbyd contract ysgol sy'n gwasanaethu eich ardal chi. Mewn achosion eraill bydd tocyn bws/ trên yn cael ei ddarparu i deithio ar y rhwydwaith gwasanaeth.

 

Trefniadau Cludiant Ysgol Prif Ffrwd 

 

  • Hysbysiad Trafnidiaeth

    Bydd rhieni/gofalwyr yn derbyn e-bost neu lythyr yn ystod yr haf gyda manylion cludiant a ddyrannwyd eu plenty. Gwiriwch y dudalen hon yn rheolaidd am unrhyw ddiweddariadau. 

     

     

  • Cymhwysedd ar gyfer Cludiant Am Ddim

    Mae disgyblion o’r Dosbarth Derbyn i Flwyddyn 11 yn cael eu hasesu'n awtomatig ar gyfer cludiant am ddim i'r ysgol:

     

    • Disgyblion Cynradd: Cymwys os ydynt yn byw dros 2 filltir o'u hysgol dalgylch (neu'r ysgol addas nesaf agosaf sydd ar gael os yw'n llawn)
    • Disgyblion Uwchradd: Cymwys os ydynt yn byw dros 3 milltir o'u hysgol dalgylch (neu'r ysgol addas nesaf sydd ar gael os yw'n llawn)
    • Mesur pellteroedd yn ôl y llwybr cerdded byrraf sydd ar gael a bydd angen i ddisgyblion fod yng nghwmni oedolyn cyfrifol os oes angen

     

    Nid oes angen ffurflenni cais, bydd llythyrau, negeseuon e-bost a/neu docynnau yn cael eu hanfon yn uniongyrchol at ddisgyblion/rhieni/gofalwyr mewn pryd ar gyfer y flwyddyn academaidd newydd.

     

    Dim ond y disgyblion/rhieni/gofalwyr canlynol sydd angen cysylltu â'r tîm cludiant ysgol: 

     

    • Cofrestriadau hwyr

    • Newidiadau cyfeiriad diweddar

    • Dechrau Ôl-16 (Blwyddyn 12) ym mis Medi 

     

     

     

    Bydd pob disgybl presennol sydd wedi cael cludiant ysgol am ddim eleni yn derbyn llythyr/e-bost/tocyn bws yn awtomatig cysylltwch â ni os ydych wedi symud cyfeiriad yn ddiweddar)

     

    Bydd angen i ddisgyblion sy'n dechrau Blwyddyn 12 sy'n dymuno parhau â'u hastudiaethau yn mynychu eu hysgol dalgylch neu Goleg Dewi Sant, roi gwybod i'r tîm cludiant ysgol ddim hwyrach nag wythnos yn dilyn canlyniadau eu harholiadau er mwyn derbyn eu pas ar gyfer dechrau mis Medi.

     

    I gysylltu â'r tîm cludiant ysgol:

     

    E-bostiwch schooltransport@valeofglamorgan.gov.uk gwnewch yn siŵr eich bod yn cynnwys y wybodaeth ganlynol: 

     

    • Enw'r plentyn

    • Dyddiad geni

    • Cyfeiriad

    • Rhif cyswllt

    • Ysgol

    • Rhif y llwybr (os yw'n hysbys)

     

    Sylwer: Mae'r disgyblion hynny sy'n gymwys i gael cludiant ysgol am ddim yn cytuno i gadw at bolisi trafnidiaeth Ysgolion Cyngor Bro Morgannwg a chod ymddygiad teithio Llywodraeth Cymru. 

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

     

 

Amserlen Cynradd
Amserlen Uwchradd